ആന്ധ്രപ്രദേശിലും തെലങ്കാനയിലും തിയേറ്ററുകളില് സൂപ്പര്ഹിറ്റായി നാഗചൈതന്യ-സായി പല്ലവി ചിത്രം ലവ് സ്റ്റോറി. സെപ്റ്റംബര് 24 ന് റിലീസ് ചെയ്ത സിനിമയുടെ ഓള് ഇന്ത്യ ഗ്രോസ് കലക്ഷന് ഇതുവരെ 10 കോടി രൂപയാണ്.
തിയേറ്റുകളിലെല്ലാം ഹൗസ്ഫുള്ളായാണ് ഈ സിനിമ പ്രദര്ശനം തുടരുന്നത്. ആന്ധ്രപ്രദേശ്, തെലങ്കാന എന്നിവിടങ്ങളിലായി ഒറ്റദിവസം കൊണ്ട് 6.94 കോടി രൂപ കലക്ഷന് നേടി. വിദേശത്തും ചിത്രത്തിനു മികച്ച പ്രതികരണമാണ് ലഭിക്കുന്നത്.
ശേഖര് കമൂല സംവിധാനം ചെയ്ത ചിത്രത്തില് ദേവയാനി, രാജ് കനകല, ഈശ്വരി റാവു എന്നിവരും അഭിനയിക്കുന്നു. 32 കോടിയാണ് ചിത്രത്തിന്റെ ബജറ്റ്. സെപ്റ്റംബര് ആദ്യവാരം തിയറ്ററുകളിലെത്തിയ ഗോപിചന്ദ് ചിത്രം സീട്ടിമാറും ബോക്സ്ഓഫിസില് ഭേദപ്പെട്ട പ്രകടനം കാഴ്ചവച്ചിരുന്നു.
രാജമൗലി സംവിധാനം ചെയ്യുന്ന രണം രൗദ്രം രുദിരം (ആര്ആര്ആര്) ആണ് സിനിമാപ്രേമികള് കാത്തിരിക്കുന്ന വമ്പന് സിനിമകളിലൊന്ന്. ചിത്രത്തിന്റെ റിലീസിന്റെ കാര്യത്തില് ഔദ്യോഗിക തീരുമാനം വന്നിട്ടില്ല.