ജയറാം നായകനാകുന്ന “പട്ടാഭിരാമനി”ലെ നടി മിയയുടെ ക്യാരക്ടര് പോസ്റ്റര് പുറത്തെത്തി. തനൂജ വര്മ്മ എന്ന കഥാപാത്രമായാണ് മിയ ചിത്രത്തിലെത്തുന്നത്. “എന്റെ മെഴുതിരി അത്താഴങ്ങള്”ക്ക് ശേഷം മിയ വീണ്ടും നായികയായി എത്തുന്ന ചിത്രമാണ് പട്ടാഭിരാമന്. പൃഥിരാജ് നായകനാകുന്ന “ബ്രദേര്സ് ഡേ”യാണ് താരത്തിന്റെ റിലീസിനൊരുങ്ങുന്ന മറ്റൊരു ചിത്രം.
കണ്ണന് താമരക്കുളം സംവിധാനം ചെയ്യുന്ന ചിത്രത്തില് ഭക്ഷണത്തെ ദൈവ തുല്യമായി കാണുന്ന പട്ടാഭിരാമന് എന്ന കഥാപാത്രമായാണ് താരം എത്തുന്നത്. ആക്ഷനും കോമഡിക്കും ഒരുപോലെ പ്രധാന്യം കൊടുക്കുന്ന ചിത്രത്തിലെ മറ്റൊരു നായിക ഷീലു എബ്രഹാമാണ്. തിരുവനന്തപുരത്തേക്ക് സ്ഥലം മാറിയെത്തുന്ന കൃത്യനിഷ്ഠയുള്ള കര്ക്കശക്കാരനായ ഒരു ഫുഡ് ഇന്സ്പക്ടറുടെ ഔദ്യോഗിക യാത്രയിലൂടെയാണ് കഥ പുരോഗമിക്കുന്നത്.
ബൈജു സന്തോഷ് സുധീര് കരമന, ധര്മ്മജന് ബൊള്ഗാട്ടി, ഹരീഷ് കണാരന്, സായ്കുമാര്, ജനാര്ദ്ദനന്, ദേവന്, ബിജു പപ്പന്, വിജയകുമാര്, പ്രേംകുമാര്, തെസ്നി ഖാന്, ബാലാജി, മായാ വിശ്വനാഥ്, പ്രിയാ മേനോന് എന്നിവരാണ് മറ്റ് പ്രധാന താരങ്ങള്. ദിനേശ് പള്ളത്ത് തിരക്കഥ ഒരുക്കിയ ചിത്രത്തിന്റെ ഛായാഗ്രഹണം രവിചന്ദ്രനാണ്. കൈതപ്രം, മുരുകന് കാട്ടാക്കട എന്നിവരുടെ വരികള്ക്ക് ഈണം പകരുന്നത് എം.ജയചന്ദ്രനാണ്.