കലാഭവന് ഷാജോണ്-പൃഥിരാജ് കൂട്ടുകെട്ടിലൊരുങ്ങിയ “ബ്രദേഴ്സ് ഡേ” തീയേറ്ററുകളില് തരംഗമായിരുന്നു. ചിത്രത്തിന്റെ വിജയാഘോഷ ചടങ്ങില് വച്ച് നിര്മാതാവ് ലിസ്റ്റിന് സ്റ്റീഫന് പറഞ്ഞ വാക്കുകളാണ് ഏവരുടെയും ശ്രദ്ധ നേടിയത്. പൃഥിരാജിനെ നായകനാക്കി പ്രദീപ് എം നായര് സംവിധാനം ചെയ്ത ലിസ്റ്റിന് നിര്മിച്ച “വിമാനം” എന്ന ചിത്രത്തിന്റെ പരാജയത്തെ കുറിച്ചാണ് അദ്ദേഹം വെളിപ്പെടുത്തിയത്.
വിമാനം തനിക്ക് വരുത്തി വച്ച നഷ്ടം നികത്തി തന്നത് ബ്രദേഴ്സ് ഡേ ആണെന്നാണ് ലിസ്റ്റിന് പറഞ്ഞത്. കൂടാതെ താന് ഈ സിനിമ ചെയ്യാനുണ്ടായ കാരണം പൃഥിരാജ് തന്നെയാണെന്നും ലിസ്റ്റിന് പറഞ്ഞു. പൃഥിരാജ് നായകനാകുന്ന “ഡ്രൈവിങ് ലൈസന്സ്” ആണ് ലിസ്റ്റിന് നിര്മിക്കുന്ന പുതിയ ചിത്രം.
ജീന് പോള് ലാല് ഒരുക്കുന്ന ഡ്രൈവിംഗ് ലൈസെന്സില് കാറുകളോട് അടങ്ങാത്ത ഭ്രമമുള്ള ഒരു സൂപ്പര് താരത്തിന്റെ വേഷത്തിലാണ് പൃഥ്വിരാജ് എത്തുക എന്നാണ് സൂചന. ആസിഫ് അലി നായകനായി എത്തുന്ന “”കെട്ട്യോളാണെന്റെ മാലാഖ”” എന്ന ചിത്രമാണ് ലിസ്റ്റിന് സ്റ്റീഫന് നിര്മാണത്തില് അടുത്തതായി റിലീസിനെത്തുന്ന ചിത്രം.