ദീപാവലി ആഘോഷങ്ങൾക്ക് ശേഷം തിയേറ്ററുകൾ നിറഞ്ഞുകവിയുമ്പോൾ ഒടിടി പ്ലാറ്റ്ഫോമുകളും ആഘോഷങ്ങൾക്ക് തുടക്കം കുറിക്കുകയാണ്. ഒരുപിടി മികച്ച ചിത്രങ്ങളാണ് നവംബർ
അവസാനവും ഡിസംബർ ആദ്യവാരവുമായി ഒടിടി റിലീസിനൊരുങ്ങുന്നത്.
എ. കെ സാജൻ സംവിധാനം ചെയ്ത ജോജു ജോർജ് ചിത്രം ‘പുലിമട’ നെറ്റ്ഫ്ലിക്സ് റിലീസ് ആയി നവംബർ 22 നാണ് ഒടിടിയിൽ എത്തുന്നുന്നത്. പ്രശസ്ത ഛായാഗ്രാഹകൻ വേണുവാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്.
മമ്മൂട്ടിയുടെ നൂറ് കോടി ചിത്രം ‘കണ്ണൂർ സ്ക്വാഡ്’ പ്രമുഖ ഒടിടി പ്ലാറ്റ് ഫോമായ ഡിസ്നി പ്ലസ് ഹോർട് സ്റ്റാറിൽ ആണ് സ്ട്രീമിംഗ് ചെയ്യുന്നത്. നവംബർ 17 നാണ് ചിത്രം റിലീസ് ചെയ്യുന്നത്. ഇന്ന് അർദ്ധരാത്രി മുതൽ ചിത്രം ലഭ്യമായിരിക്കും.
ഇപ്പോഴിതാ ലോകേഷ്- വിജയ് കൂട്ടുക്കെട്ടിലിറങ്ങിയ ലിയോയുടെ ഒടിടി റിലീസ് അപ്ഡേഷനുകളാണ് പുറത്തുവന്നുകൊണ്ടിരിക്കുന്നത്. പ്രമുഖ ഒടിടി പ്ലാറ്റ്ഫോമായ നെറ്റ്ഫ്ലിക്സ് ആണ് ലിയോയുടെ ഒടിടി അവകാശം ഏറ്റെടുത്തിരിക്കുന്നത്.നംവബർ അവസാനവാരമായിരിക്കും ലിയോ ഒടിടി റിലീസ് ഉണ്ടാവുന്നത്.
തമിഴ് നടൻ സിദ്ധാർത്ഥ് നായകനായെത്തിയ ‘ചിത്ത’യും നവംബർ 17 നാണ് ഒടിടിയിൽ എത്തുന്നത്. ഡിസ്നി പ്ലസ് ഹോട്സ്റ്റാറിലാണ് ചിത്രം എത്തുന്നത്.
കുഞ്ചാക്കോ ബോബൻ നായകനായെത്തിയ ടിനു പാപ്പച്ചൻ ചിത്രം ‘ചാവേർ’ നവംബർ 24 നാണ് ഒടിടി സ്ട്രീമിംഗ് ആരംഭിക്കുന്നത്. സമ്മിശ്ര പ്രതികരണങ്ങളോടെ തിയേറ്ററിൽ പ്രദർശനം നടത്തിയ ചാവേറിന്റെ ഒടിടി റിലീസിന് വേണ്ടി കാത്തിരിപ്പിലാണ് സിനിമലോകം. സോണി ലൈവിലാണ് ചിത്രം സ്ട്രീമിംഗ് ചെയ്യുന്നത്.
ശിവ രാജ്കുമാർ നായകനായെത്തിയ ‘ഗോസ്റ്റ്’ നവംബർ 17 നാണ് ഒടിടിയിൽ എത്തുന്നത്. സീ ഫൈവിലൂടെ ആണ് ഗോസ്റ്റ് ഓൺലൈനിൽ എത്തുക.നവംബർ 17 നാണ് ചിത്രം പ്രദർശനത്തിനെത്തുന്നത്.
അർജുൻ അശോകൻ നായകനായെത്തിയ ‘തീപ്പൊരി ബെന്നി’യും ഒടിടിയിൽ റിലീസ് ചെയ്തിട്ടുണ്ട്. നവംബർ 16 നായിരുന്നു ചിത്രത്തിന്റെ ഒടിടി റിലീസ്. ആമസോൺ പ്രൈമിലൂടെയാണ് ചിത്രം സ്ട്രീമിംഗ് ആരംഭിച്ചിരിക്കുന്നത്.