വളരെ വ്യത്യസ്തമായ രൂപമാറ്റത്തോടെയാണ് നടി ലെന ‘ആര്‍ട്ടിക്കിള്‍ 21’ എന്ന സിനിമയില്‍ എത്തിയത്. ലെനിന്‍ ബാലകൃഷ്ണന്‍ സംവിധാനം ചെയ്ത ചിത്രം ജൂലൈ 28ന് ആണ് തിയേറ്ററുകളില്‍ എത്തിയത്. സിനിമ കണ്ടിറങ്ങിയവരില്‍ നിന്നും നല്ല പ്രതികരണം ലഭിച്ചെങ്കിലും പ്രമോഷന്‍ നല്‍കാത്തത് സിനിമയെ ബാധിച്ചിട്ടുണ്ടെന്ന് പറയുകയാണ് സംവിധായകന്‍ ഇപ്പോള്‍.
പരിമിതമായ സാമ്പത്തികം കാരണം പ്രമോഷന്‍ ചെയ്യാന്‍ സാധിച്ചില്ല. വലിയ സിനിമകളുടെ കൂട്ടത്തില്‍ ഇറങ്ങിയതും മറ്റൊരു തരത്തില്‍ ആര്‍ട്ടിക്കിള്‍ 21നെ ബാധിച്ചിട്ടുണ്ട് എന്നാണ് സംവിധായകന്‍ പറയുന്നത്. സംവിധായകന്റെ കുറിപ്പാണ് ഇപ്പോള്‍ ശ്രദ്ധ നേടുന്നത്.
സംവിധാകന്റെ കുറിപ്പ്:
ഞാന്‍ ലെനിന്‍ ബാലകൃഷ്ണന്‍. കഴിഞ്ഞ ദിവസം (ജൂലായ് 28) പുറത്തിറങ്ങിയ ആര്‍ട്ടിക്കിള്‍ 21 എന്ന മലയാള സിനിമയുടെ സംവിധായകനും നിര്‍മ്മാതാക്കളില്‍ ഒരാളുമാണ്. സിനിമ കണ്ടിറങ്ങിയ ജനങ്ങളില്‍ നിന്നും നല്ല പ്രതികരണമാണ് ലഭിക്കുന്നത്. എന്നിരുന്നാലും സിനിമക്ക് കൂടുതല്‍ ആളുകള്‍ കയറുന്നില്ല. വലിയ രീതിയിലുള്ള പ്രമോഷനുകളൊന്നും ഞങ്ങള്‍ക്ക് ചെയ്യാന്‍ സാധിച്ചിട്ടില്ല.
പരിമിതമായ സാമ്പത്തികമാണ് അതിന്റെ കാരണം. വലിയ സിനിമകളുടെ കൂട്ടത്തില്‍ ഇറങ്ങിയതും മറ്റൊരു തരത്തില്‍ ആര്‍ട്ടിക്കിള്‍ 21നെ ബാധിച്ചിട്ടുണ്ട്. ഈ വീക്കെന്‍ഡില്‍ നിങ്ങളെല്ലാവരും സിനിമകള്‍ കാണാന്‍ ആഗ്രഹിക്കുന്നുണ്ടെങ്കില്‍ ആര്‍ട്ടിക്കിള്‍ 21നെയും പരിഗണിക്കണം. അത് മുന്നോട്ടുള്ള ഞങ്ങളുടെ യാത്രക്ക് വലിയ സഹായകമാവും
സ്‌നേഹത്തോടെ
ലെനിന്‍ ബാലകൃഷ്ണന്‍
അതേസമയം, അജു വര്‍ഗീസ്, ജോജു ജോര്‍ജ് എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിച്ചിട്ടുള്ളത്. ബിനീഷ് കോടിയേരി, രോമാഞ്ച്, ലെസ്വിന്‍ തമ്പു, നന്ദന്‍ രാജേഷ്, മനോഹരി ജോയ്, മജീദ് എന്നിവരാണ് ചിത്രത്തിലെ മറ്റ് താരങ്ങള്‍.