ടൊവിനോയുടെ നായികയായി മലയാളത്തിൽ അരങ്ങേറാനൊരുങ്ങി തെന്നിന്ത്യൻ നായിക കൃതി ഷെട്ടി. ‘അജയന്റെ രണ്ടാം മോഷണം’ എന്ന പുതിയ സിനിമയിൽ കൃതി നായികയാവും എന്നാണ് റിപ്പോർട്ടുകൾ. നടിയ്ക്ക് കഥ ഇഷ്ടമായെന്നും മറ്റു സിനിമകളുടെ ഷെഡ്യൂൾ നോക്കിയ ശേഷം കൃതി സിനിമയുടെ ഭാഗമാകും എന്നും പിങ്ക് വില്ല റിപ്പോർട്ട് ചെയ്യുന്നു.
ജിതിന് ലാല് സംവിധാനം ചെയ്യുന്ന ചിത്രത്തിന് സുജിത് നമ്പ്യാരാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ബിഗ് ബജറ്റിൽ ഒരുങ്ങുന്ന സിനിമയുടെ ചിത്രീകരണം ഓഗസ്റ്റിൽ ആരംഭിക്കും.
1900, 1950, 1990 കാലഘട്ടങ്ങളിൽ കഥ പറയുന്ന ചിത്രത്തിൽ മണിയൻ, അജയൻ, കുഞ്ഞികേളു എന്നിങ്ങനെ മൂന്ന് കഥാപാത്രങ്ങളെയാകും ടൊവിനോ അവതരിപ്പിക്കുന്നത്.
‘കെജിഎഫ്’, ‘വിക്രം’ തുടങ്ങിയ സിനിമകളായിലൂടെ ശ്രദ്ധേയരായ അൻപറിവ് ആയിരിക്കും സിനിമയ്ക്കായി സംഘട്ടനം ഒരുക്കുക. കണ്ണൂര്, കാസര്ഗോഡ്, വയനാട് എന്നിവിടങ്ങളാണ് ചിത്രത്തിന്റെ പ്രധാന ഷൂട്ടിംഗ് ലൊക്കേഷനുകള്. ദിബു നിനന് തോമസാണ് ചിത്രത്തിന്റെ സംഗീത സംവിധാനം.