തെന്നിന്ത്യൻ സൂപ്പർ താരം ധനുഷ് നായകനായെത്തുന്ന ഏറ്റവും പുതിയ ചിത്രമാണ് ‘ക്യാപ്റ്റൻ മില്ലർ’. അരുൺ മാതേശ്വരനാണ് ചിത്രം തിരക്കഥയെഴുതി സംവിധാനം ചെയ്യുന്നത്. തമിഴ് സെൻസേഷൻ ജി. വി പ്രകാശ് കുമാർ ആണ് ചിത്രത്തിന് സംഗീതമൊരുക്കുന്നത്.
ഇപ്പോഴിതാ ചിത്രത്തിലെ ആദ്യ ഗാനത്തിന്റെ ലിറിക്കൽ വീഡിയോ പുറത്തുവിട്ടിരിക്കുകയാണ് അണിയറപ്രവർത്തകർ. ധനുഷ് ആണ് ഗാനം ആലപിച്ചിരിക്കുന്നത്. കാബർ വാസുകിയാണ് ഗാനത്തിന് വരികൾ എഴുതിയിരിക്കുന്നത്. സരിഗമ തമിഴ് എന്ന യൂട്യൂബ് ചാനലിലൂടെ പുറത്തുവിട്ട ഗാനത്തിന് ഒരു മണിക്കുറിനുള്ളിൽ 11 ലക്ഷം വ്യൂസ് ആണ് ലഭിച്ചിരിക്കുന്നത്.
സത്യ ജ്യോതി ഫിലിംസിന്റെ ബാനറില് സെന്തില് ത്യാഗരാജനും അര്ജുന് ത്യാഗരാജനും ചേര്ന്നാണ് ചിത്രം നിര്മ്മിക്കുന്നത്. മദന് കാര്ക്കിയാണ് ക്യാപ്റ്റന് മില്ലറിന്റെ സംഭാഷണങ്ങള് ഒരുക്കിയിരിക്കുന്നത്. പ്രിയങ്ക അരുള് മോഹനാണ് ചിത്രത്തിൽ ധനുഷിന്റെ നായികയായി എത്തുന്നത്.
ഛായാഗ്രഹണം സിദ്ധാര്ഥ നൂനി, എഡിറ്റിംഗ് നഗൂരന് രാമചന്ദ്രന്.
ശിവ രാജ്കുമാര്, സുന്ദീപ് കിഷന്, ജോണ് കൊക്കെന്, എഡ്വാര്ഡ് സോണന്ബ്ലിക്ക്, നിവേദിത സതീഷ്, വിനോദ് കിഷന്, നാസര്, എലങ്കോ കുമരവേല്, വിജി ചന്ദ്രശേഖര് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.