ബോക്സ്ഓഫീസ് റെക്കോര്ഡുകള് തകര്ത്തെറിഞ്ഞ് മുന്നേറുകയാണ് കെ.ജി.എഫ് ചാപ്ടര് 2. സൂപ്പര്ഹിറ്റായ കെ.ജി.എഫിന്റെ രണ്ടാംഭാഗത്തിനായി കാത്തിരുന്ന ആരാധകരുടെ പ്രതീക്ഷയ്ക്കപ്പുറമുള്ള പ്രകടനമായിരുന്നു ചിത്രത്തിന്റേത്. ഈ മാസം 14നായിരുന്നു ചിത്രം തിയേറ്ററുകളിലെത്തിയത്. അതേസമയം ടെയില് എന്ഡില് നല്കിയ സൂചനകള് പ്രകാരം അ ചിത്രത്തിന്റെ മൂന്നാം ഭാഗത്തെക്കുറിച്ചുള്ള ചര്ച്ചകള് സോഷ്യല് മീഡിയയില് ഉള്(പ്പെടെ സജീവമാണ്.
കെ,ജിഎഫ് ചാപ്റ്റര് 2 ന്റെ ടെയ്ല് എന്ഡിലാണ് ഒരു മൂന്നാം ഭാഗത്തെക്കുറിച്ച് സംവിധായകന് പ്രശാന്ത് നീല് പ്രേക്ഷകര്ക്കുള്ള സൂചന നല്കിയിരിക്കുന്നത്. യാഷ് അവതരിപ്പിക്കുന്ന രാജ കൃഷ്ണപ്പ ബൈര്യ എന്ന റോക്കി ഭായ് വിദേശ രാജ്യങ്ങളില് നടത്തിയ പ്രവര്ത്തനങ്ങളാവും ഈ ഭാഗത്തിലെന്നാണ് പുതിയ ചിത്രത്തില് നിന്നുള്ള സൂചന. എന്നാല് ഇത് അണിയറക്കാര് ഒരു ഹൈപ്പിനു വേണ്ടി മാത്രം ചെയ്തതാണോ എന്ന സംശയമാണ് ആരാധകര് ഉന്നയിക്കുന്നത്.
കെജിഎഫ് ആരാധകര്ക്ക് സന്തോഷത്തിനുള്ള വക നല്കുന്നതാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസറുടെ പ്രതികരണം.ചിത്രത്തിന് ഒരു മൂന്നാം ഭാഗം ഉണ്ടാവുമെന്നും ആ സിനിമയുടെ പ്രീ പ്രൊഡക്ഷന് ഇതിനകം ആരംഭിച്ചു കഴിഞ്ഞെന്നും എക്സിക്യൂട്ടീവ് പ്രൊഡ്യൂസര് കാര്ത്തിക് ഗൗഡ പ്രതികരിച്ചു. കന്നഡ വാര്ത്താ ചാനലായ പബ്ലിക് ടിവിക്ക് നല്കിയ അഭിമുഖത്തിലാണ് കാര്ത്തിക്കിന്റെ പ്രതികരണം