കെജിഎഫ് ചാപ്റ്റര് 2വിലെ മോണ്സ്റ്റര് ഗാനമെത്തി. ഗാനം പുറത്തിറങ്ങി ഒരു മണിക്കൂര് പിന്നിടുമ്പോള് ഒരു മില്യണിലധികം കാഴ്ചക്കാരിലേക്ക് എത്തുകയാണ് ‘മോണ്സ്റ്റര് സോങ്’. മികച്ച പ്രതികരണമാണ് ഗാനത്തിന് ലഭിക്കുന്നത്. ചിത്രത്തിലെ ഡയലോഗുകളും കയ്യടി നേടിയ സീനുകളും കോര്ത്തിണക്കിയാണ് ഗാനത്തിന്റെ വീഡിയോ ചെയ്തിരിക്കുന്നത്.
കെജിഎഫ് ഇറങ്ങിയ എല്ലാ ഭാഷകളെയും ഉള്ക്കൊള്ളിച്ചുകൊണ്ട് ഒറ്റ ഗാനമായാണ് മോണ്സ്റ്റര് ഗാനം ഇറങ്ങിയിരിക്കുന്നത്. അഥിതി സാഗര് ആണ് മോണ്സ്റ്റര് സോങ്ങിന്റെ വരികള് എഴുതിയിരിക്കുന്നത്.
കന്നഡ സിനിമ മേഖലയ്ക്ക് തന്നെ എക്കാലത്തും അഭിമാന നേട്ടമുണ്ടാക്കിയ ചിത്രമാണ് ‘കെജിഎഫ്’. കെജിഎഫ് രണ്ടാം വരവിന് ആഗോളതലത്തില് ജനം നല്കിയ വരവേല്പ്പ് മറ്റൊരു ചിത്രത്തിനും കിട്ടാത്ത തരത്തിലായിരുന്നു. കഴിഞ്ഞ ദിവസം കെജിഎഫിന്റെ വിജയത്തില് നന്ദി അറിയിച്ചുകൊണ്ട് ആരാധകരുടെ യാഷ് എത്തിയിരുന്നു.
കെജിഎഫ് 2 വിന് വമ്പന് വരവേല്പ്പാണ് ലഭിച്ചിരിക്കുന്നത് റിലീസ് കേന്ദ്രങ്ങളില് നിന്നെല്ലാം ചിത്രത്തിന് മികച്ച പ്രതികരണങ്ങളാണ് ലഭിക്കുന്നത്. ബാഹുബലി എന്ന ചിത്രത്തിന് ശേഷം മനസ്സ് നിറഞ്ഞ ഒരു ഇന്ത്യന് സിനിമയുടെ രണ്ടാം ഭാഗം എന്നാണ് ചിത്രത്തെ കുറിച്ച് പ്രേക്ഷകര് പറയുന്നത്.