സൂര്യയെ എങ്ങനെ ദേഷ്യം പിടിപ്പിക്കാമെന്ന് വ്യക്തമാക്കി കാര്ത്തി. തെന്നിന്ത്യന് സിനിമാപ്രേമികളുടെ പ്രിയ താര സഹോദരന്മാരാണ് സൂര്യയും കാര്ത്തിയും. ബാല്യകാലത്തെ ഒരു ചിത്രം പങ്കുവെച്ചു കൊണ്ടാണ് ചേട്ടന് സൂര്യയെ എങ്ങനെ ദേഷ്യം പിടിപ്പിക്കാമെന്ന് അനിയന് കാര്ത്തി സോഷ്യല് മീഡിയയില് കുറിച്ചിരിക്കുന്നത്. സൂര്യയെ പ്രകോപ്പിക്കാനുള്ള ഒരേയൊരു മാര്ഗം ഒരേ പോലെ വസ്ത്രം ധരിക്കുക എന്നതാണെന്ന് കാര്ത്തി പറയുന്നു.
“”ചേട്ടനെ ദേഷ്യം പിടിപ്പിക്കാനുള്ള ഒരേയൊരു വഴി അദ്ദേഹത്തിന്റേത് പോലെയുള്ള വസ്ത്രം ധരിക്കുക എന്നതാണ്. ഇപ്പോഴും ഒന്ന് ശ്രമിച്ചാല് കൊള്ളാമെന്നുണ്ട്. നിങ്ങളില് എത്ര സഹോദരങ്ങള് ഒരേ പോലുള്ള വസ്ത്രങ്ങള് ധരിക്കാറുണ്ട്?”” എന്ന് കാര്ത്തി കുറിച്ചു. ബാല്യകാലത്ത് ഇരുവരും ഒരു പോലുള്ള വസ്ത്രം ധരിച്ച് നില്ക്കുന്ന ചിത്രവും താരം പങ്കുവെച്ചിട്ടുണ്ട്.
സംവിധായകന് മണിരത്നത്തിന്റെ അസിസ്റ്റന്റ് ആയി സിനിമയില് എത്തിയ കാര്ത്തി, 2007ല് പരുത്തിവീരന് എന്ന ചിത്രത്തിലൂടെയാണ് അഭിനയരംഗത്തേക്ക് എത്തിയത്. പയ്യ എന്ന ചിത്രത്തിലൂടെയാണ് താരം ശ്രദ്ധേയനായത്. സുല്ത്താന് ആണ് കാര്ത്തിയുടെതായി റിലീസിന് ഒരുങ്ങുന്ന ചിത്രം. ഏപ്രില് 2ന് ചിത്രം തിയേറ്ററുകളില് എത്തും.
പൊന്നിയിന് സെല്വന് ചിത്രമാണ് താരത്തിന്റെതായി അണിയറയില് ഒരുങ്ങുന്നത്. അതേസമയം, പാണ്ഡ്യരാജ് ഒരുക്കുന്ന ചിത്രമാണ് സൂര്യയുടെതായി ഒരുങ്ങുന്നത്. റോക്കട്രി: ദ നമ്പി നാരായണന് ഇഫക്ട് ചിത്രത്തിലും സൂര്യ വേഷമിടുന്നുണ്ട്. സൂരറൈ പോട്ര് ആണ് സൂര്യയുടെതായി ഒടുവില് റിലീസ് ചെയ്ത ചിത്രം.