കന്നടയില് സൂപ്പര് ഹിറ്റ് ആയി മാറിയ ‘കാന്താര’ സിനിമയെ അഭിനന്ദിച്ച് കങ്കണ റണാവത്ത്. അടുത്ത വര്ഷം ഇന്ത്യയുടെ ഓസ്കര് എന്ട്രിയാവും ചിത്രമെന്നാണ് കങ്കണ പറയുന്നത്. ലോകം അനുഭവിച്ചറിയേണ്ട ഒരു അനുഭവ യാഥാര്ത്ഥ്യമാണ് കാന്താര എന്നും കങ്കണ സോഷ്യല് മീഡിയയില് കുറിച്ചു.
”കുടുംബത്തോടൊപ്പം കാന്താര കണ്ടു, അടുത്ത വര്ഷത്തെ ഓസ്കാറിലേക്കുള്ള ഇന്ത്യയുടെ പ്രവേശനം കാന്താര ആയിരിക്കുമെന്ന് എനിക്ക് തോന്നുന്നു. വര്ഷം അവസാനിക്കാനിരിക്കാന് പോകുന്നതേയുള്ളൂ, ഇനിയും മികച്ച സിനിമകള് വരാനുണ്ട്. ഇത് നിഗൂഢതയുടെ നാടാണ്. ഇത് ഒരാള്ക്ക് മനസിലാക്കാന് കഴിയില്ല, അത് ഉള്ക്കൊള്ളാനെ ആകൂ.”
”ഇന്ത്യ ഒരു അത്ഭുതം പോലെയാണ്, അത് മനസിലാക്കാന് ശ്രമിച്ചാല് നിങ്ങള് നിരാശനാകും, പക്ഷേ നിങ്ങള് അത്ഭുതത്തിന് കീഴടങ്ങിയാല് നിങ്ങള് ആ ഒരാളാകാം. ലോകം അനുഭവിച്ചറിയേണ്ട ഒരു അനുഭവ യാഥാര്ത്ഥ്യമാണ് കാന്താര” എന്നാണ് കങ്കണ ഫെയ്സ്ബുക്കില് കുറിച്ചിരിക്കുന്നത്.
റിഷഭ് ഷെട്ടി രചനയും സംവിധാനവും നിര്വ്വഹിച്ചിരിക്കുന്ന കാന്താര ആക്ഷന് ത്രില്ലര് വിഭാഗത്തില് പെടുന്ന ചിത്രമാണ്. ഹോംബാലെ ഫിലിംസ് ആണ് നിര്മ്മാണം. സെപ്റ്റംബര് 30ന് ആണ് കന്നഡ പതിപ്പ് റിലീസ് ചെയ്തത്. കഴിഞ്ഞ വെള്ളിയാഴ്ചയാണ് ചിത്രത്തിന്റെ ഹിന്ദി പതിപ്പ് എത്തിയത്.