രജനികാന്ത് ചിത്രം ജയിലറിന് ശേഷം നെല്സണ് ദിലീപ്കുമാര് സംവിധാനം ചെയ്യുന്ന ധനുഷ് ചിത്രം കമല് ഹാസന്റെ രാജ്കമല് ഫിലിംസ് നിര്മ്മിക്കുമെന്ന് റിപ്പോര്ട്ട്. ശിവകാര്ത്തികേയന്റെ 21-ാമത്തെ ചിത്രം, ചിമ്പുവിന്റെ 48-ാമത്തെ ചിത്രം എന്നിവ ഇതിനകം രാജ്കമല് ഫിലിംസ് നിര്മ്മിക്കുമെന്ന് പ്രഖ്യാപിച്ചിരുന്നു.
ഇതിനൊപ്പം തന്നെ ലോകേഷിന്റെ വിക്രത്തിന്റെ അടുത്ത ഭാഗം, വിഘ്നേശ് ശിവന്റെ ചിത്രവും കമലിന്റെ പ്രൊഡക്ഷന് ഹൗസ് നിര്മ്മിക്കുമെന്നും വിവരമുണ്ട്. ‘ക്യാപ്റ്റന് മില്ലര്’ എന്ന ചിത്രത്തിന് ശേഷം ധനുഷ് ചെയ്യുന്ന ചിത്രമായിരിക്കും നെല്സണ് ദിലീപ് കുമാറിന്റേത് എന്നാണ് വിവരം.
ഓഗസ്റ്റ് 10നാണ് നെല്സണ് ഒരുക്കുന്ന രജനീകാന്ത് ചിത്രം ‘ജയിലര്’ റിലീസ് ചെയ്യുന്നത്.അതേസമയം, ശങ്കര് ചിത്രം ‘ഇന്ത്യന് 2’ പൂര്ത്തിയാക്കിയതിന് ശേഷം കമല് എച്ച് വിനോദ് സംവിധാനം ചെയ്യുന്ന ചിത്രത്തില് അഭിനയിക്കും എന്നാണ് വിവരം.
ഈ ചിത്രവും രാജ് കമല് ഫിലിംസ് തന്നെയാണ് നിര്മ്മിക്കുന്നത്. കൂടാതെ ആരാധകര് ഏറെ ആകാംക്ഷയോടെ കാത്തിരിക്കുന്ന കമല് ഹാസന്-മണിരത്നം ചിത്രം ഈ വര്ഷം ആരംഭിക്കും.