ലോകേഷ് കനകരാജിന്റെ സംവിധാനത്തില് കമല് ഹാസന് നായകനാകുന്ന ചിത്രം ‘വിക്രം’ റിലീസിന് തയാറെടുക്കുകയാണ്. 120 കോടി രൂപ ചെലവില് ഒരുങ്ങുന്ന ചിത്രം നിര്മ്മിച്ചിരിക്കുന്നത് രാജ്കമല് ഫിലിംസ് ഇന്റര്നാഷനലിന്റെ ബാനറില് കമല്ഹാസനും ആര് മഹേന്ദ്രനും ചേര്ന്നാണ്. ഇപ്പോഴിതാ ചിത്രത്തിനായി ഒരോ താരങ്ങളും വാങ്ങിയ പ്രതിഫല വിവരം പുറത്തുവന്നിരിക്കുകയാണ്.
ചിത്രത്തില് കമല്ഹാസന്റെ പ്രതിഫലം ഏകദേശം 50 കോടി രൂപ ആണെന്ന് വിവരം.ചിത്രത്തിലെ സന്താനം എന്ന കഥാപാത്രത്തിനായി വിജയ് സേതുപതിയ്ക്ക് 10 കോടി രൂപയും അമര് എന്ന കഥാപാത്രത്തിനായി ഫഹദ് ഫാസിലിന് നാല് കോടിയുമാണ് പ്രതിഫലം.
സംവിധായകന് ലോകേഷ് കനകരാജ് എട്ട് കോടി രൂപ കൈപ്പറ്റുമ്പോള് അനിരുദ്ധിന് നാല് കോടി രൂപയാണ് പ്രതിഫലം എന്നുമാണ് വിവരം. ഇ ടൈംസാണ് ഇത് റിപ്പോര്ട്ട് ചെയ്തിരിക്കുന്നത്.
റിലീസിന് മുന്പ് തന്നെ ചിത്രം 200 കോടി ക്ലബില് കയറിയെന്നാണ് റിപ്പോര്ട്ടുകള്. വ്യത്യസ്ത ഭാഷകളില് എത്തുന്ന ചിത്രം സാറ്റ്ലൈറ്റിലും ഒ.ടി.ടിയിലുമായാണ് ഭീമന് തുകയ്ക്ക് അവകാശം വിറ്റത്. മാനഗരം, കൈതി, മാസ്റ്റര് എന്നീ ചിത്രങ്ങള്ക്ക് ശേഷം ലോകേഷ് കനകരാജ് ഒരുക്കുന്ന ചിത്രമാണിത്.
രത്നകുമാറും ലോകേഷ് കനകരാജും ചേര്ന്നാണ് ചിത്രത്തിന്റെ തിരക്കഥയൊരുക്കിയത്. നരേന്, അര്ജുന് ദാസ്, കാളിദാസ് ജയറാം തുടങ്ങിയവരും ചിത്രത്തില് മുഖ്യ കഥാപാത്രങ്ങളായെത്തും. ജൂണ് മൂന്നിന് ചിത്രം തിയേറ്ററുകളിലെത്തും.