ചിത്രലഹരി), മാനാട്, ഹൃദയം, തല്ലുമാല, ബ്രോ ഡാഡി എന്നീ ചിത്രങ്ങളിലൂടെ മലയാളി മനസ്സിൽ ഇടം നേടിയ യുവനടിയാണ് കല്യാണി പ്രിയദർശൻ. ഇപ്പോഴിതാ കല്യാണിയുടെ വിവാഹം കഴിഞ്ഞെന്ന വാർത്തയാണ് സോഷ്യൽ മീഡിയ ട്രെൻഡിങ് ലിസ്റ്റിൽ ഇടം പിടിക്കുന്നത്. കല്യാണി പ്രിയദർശൻ്റെയും സീരിയൽ സിനിമ താരം ശ്രീറാം രാമചന്ദ്രന്റെയും വിവാഹത്തിന്റെ വീഡിയോയും ചിത്രങ്ങളുമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്.
ശ്രീറാം രാമചന്ദ്രനാണ് Yes! പറയുന്ന നിമിഷങ്ങളാണ് നമ്മളെ ഹാപ്പി ആക്കുന്നത് എന്ന തലക്കെട്ടോടെ വീഡിയോ പങ്കുവച്ചിട്ടുള്ളത്. ശ്രീറാമിനെ വിവാഹം കഴിക്കുന്നതാണ് വീഡിയോയിൽ ഉള്ളത്. ആദ്യം കണ്ട ആരാധകർ ഒന്ന് ഞെട്ടിയെങ്കിലും പിന്നാലെ കാര്യം മനസിലായി. സത്യത്തിൽ ഇരുവരും അഭിനയിച്ച ഏറ്റവും പുത്തൻ ആഡ് ഷൂട്ടിങ് വീഡിയോ ദൃശ്യങ്ങൾ ആണ് വൈറൽ ആകുന്നത്. യെസ് ഭാരത് വെഡിംഗ് കളക്ഷൻസിൻ്റെ പരസ്യത്തിലാണ് ഇരുവരും ഒരുമിച്ച് അഭിനയിച്ചിരിക്കുന്നത്.
കഴിഞ്ഞ ദിവസം പങ്കുവച്ച വീഡിയോ ഇതിനോടകം നിരവധി പേരാണ് കണ്ടത്. വീഡിയോയ്ക്ക് താഴെ നിരവധി കമന്റുകളും വരുന്നുണ്ട്. ‘പ്രിയദർശൻ ഇല്ലാത്തത് കൊണ്ട് മനസിലായി അല്ലെങ്കിൽ റിയൽ കല്യാണം ആണെന്ന് വിചാരിച്ചേനെ’,’അച്ഛൻ പ്രിയദർശനെ ഒഴിവാക്കി കല്യാണി വിവാഹിതയായി’, ‘അതിൽ ഒരു സ്ഥിരം കല്യാണ പെണ്ണിന്റെ അച്ഛൻ നിക്കുന്നുണ്ടല്ലോ’, ‘പെട്ടന്ന് കണ്ടപ്പോ ഒരു നിമിഷം പേടിച്ച് പോയി’, തുടങ്ങി നിരവധി കമന്റുകളാണ് വീഡിയോയ്ക്ക് ലഭിക്കുന്നത്.
സിനിമകൾക്ക് പുറമെ കല്യാണി നിരവധി പരസ്യചിത്രങ്ങളിലും അഭിനയിക്കാറുണ്ട്. അത്തരത്തിൽ ഒന്ന് മാത്രമായിരുന്നു ഇതും. നിലവിൽ കല്യാണി പുത്തൻ ചിത്രത്തിൻ്റെ അണിയറയിലാണ്. അരുൺ ഡൊമിനിക് സംവിധാനം ചെയ്ത് ദുൽഖർ സൽമാൻ്റെ വേഫെയറർ ഫിലിംസ് നിർമ്മിക്കുന്ന പുതിയ ചിത്രത്തിൽ കല്യാണി പ്രിയദർശനും നസ്ലെനും ഒരുമിച്ചെത്തുന്നു എന്നും റിപ്പോർട്ടുണ്ട്. അതേസമയം മിനി സ്ക്രീനിൽ തിരക്കുള്ള നടൻ ആയി നിറഞ്ഞു നിന്ന ശ്രീറാമിന് ഏറെ ആരാധകരെ നേടിക്കൊടുത്ത പരമ്പര കസ്തൂ‌രിമാൻ ആയിരുന്നു.
