വിലക്കിനുശേഷം സംവിധായകന്‍ വിനയന്‍ സംവിധാനം ചെയ്യുന്ന സിനിമയാണ് “ചാലക്കുടിക്കാരന്‍ ചങ്ങാതി”കലാഭവന്‍ മണിയുടെ ജീവിതകഥയല്ലെന്നും എന്നാല്‍ മണിയുടെ ജീവിതം നേരിട്ടുകണ്ട ആളെന്നതരത്തില്‍ സിനിമയില്‍ അദ്ദേഹത്തിന്റെ ജീവിതം സ്വാധീനിച്ചിട്ടുണ്ടെന്നുമായിരുന്നു ചിത്രത്തെക്കുറിച്ച് വിനയന്‍ വ്യക്തമാക്കിയിരുന്നത്. മിമിക്രി വേദിയിലൂടെ താരമായ സെന്തില്‍ കൃഷ്ണയാണ് ചിത്രത്തിലെ നായകന്‍. ചിത്രത്തിന്റെ ഷൂട്ടിംഗ് ചാലക്കുടിയില്‍ പുരോഗമിക്കുകയാണ്. കലാഭവന്‍ മണിയുടെ ജീവിതവുമായി ഏറെ ബന്ധമുള്ള സ്ഥലമാണ് പാഡി. പാഡിയും ഈ സിനിമയിലെ ഒഴിവാക്കപ്പെടാനാകാത്ത ഒന്നായതിനാല്‍ എങ്ങനെയാണ് സിനിമയിലേക്ക് പകര്‍ത്തുന്നത് എന്നതിനെക്കുറിച്ച് വിനയന്‍ പങ്കുവച്ചത് ഇങ്ങനെ
https://www.facebook.com/directorvinayan/videos/1983866468529799/
പാഡി സെറ്റിട്ട് ഷൂട്ട് ചെയ്യുന്നതിനെക്കുറിച്ച് വിനയന്‍ ഫെയ്‌സ്ബുക്കില്‍ കുറിച്ചത് ഇങ്ങനെ
“കലാഭവന്‍ മണിയുടെ കഥയില്‍ “പാഡി” ഒരു പ്രധാന കഥാപാത്രമാണല്ലോ? കേസ് അന്വേഷണം തുടരുന്നതു കൊണ്ട് സെറ്റ് ഒരുക്കിയാണ് ഷൂട്ട് ചെയ്തത് .ധാരാളം ആളുകള്‍ മണിയുടെ പാഡി കാണാനായി എത്തുന്നുണ്ട്”
വിലക്കുകളില്ലാതെ വിനയന്‍ സിനിമ സംവിധാനം ചെയ്യുമ്പോള്‍ കലാഭവന്‍ മണിയുടെ ജീവിതവുമായി ചേര്‍ന്നുനില്‍ക്കുന്ന പ്രമേയമാണെന്നതിനാല്‍ ഏവരും പ്രതീക്ഷയോടാണ് കാത്തുനില്‍ക്കുന്നത്. 2016 മാര്‍ച്ചിലാണ് കലാഭവന്‍ മണി മരണപ്പെടുന്നത്. മരണത്തില്‍ ദുരൂഹതയുണ്ടെന്ന ആരോപണവുമായി ബന്ധുക്കള്‍ രംഗത്ത് വന്നിരുന്നു.