നടിമാരെ നേരിട്ട് പരിചയപ്പെടാനും അടുത്തിടപഴകാനും സാധിക്കും എന്ന് കേട്ടറിഞ്ഞാണ് ചെന്നൈ സ്വദേശി യുവാവ് ഓൺലൈൻ സൈറ്റ് ആയ ലൊക്കാന്റോയിൽ രജിസ്റ്റർ ചെയ്തത്. തുടര്ന്ന് നടി കാജൽ അഗർവാളിനെ പരിചയപ്പെടുത്തം എന്ന് പറഞ്ഞ് യുവാവിൽ നിന്നു പല തവണയായി 75 ലക്ഷം രൂപയാണ് തട്ടിയത്. പുതുമുഖ നിർമ്മാതാവ് ഗോപാലകൃഷ്ണൻ ആണ് യുവാവില് നിന്ന് ലക്ഷങ്ങള് തട്ടിയത്.
കാജൽ അഗർവാളിനെ പരിചയപ്പെടാനായി ആദ്യഘട്ടത്തിൽ യുവാവിൽ നിന്ന് അൻപതിനായിരം രൂപയാണ് വാങ്ങിയത്. പിന്നീട് ഇത് തട്ടിപ്പ് ആണെന്ന് അറിഞ്ഞ യുവാവ് ഇതിൽ നിന്ന് രക്ഷപെടാൻ ശ്രമിച്ചു. എന്നാൽ ഫോണ്കോൾ വിവരങ്ങളും മറ്റും വീട്ടുകാരെ അറിയിക്കും എന്ന് ഭീഷണിപ്പെടുത്തി 75 ലക്ഷം ആവശ്യപ്പെട്ടു. യുവാവ് ഇത് ഓണ്ലൈനിലൂടെ നൽകി വീട്ടിൽ നിന്നും ഒളിച്ചോടി. വീട്ടുകാരെ വിളിച്ചു താൻ ആത്മഹത്യ ചെയ്യുകയാണെന്നും പറഞ്ഞു. തുടർന്ന് യുവാവിന്റെ അച്ഛൻ പൊലീസ് സ്റ്റേഷനിൽ പരാതി നൽകി. തുടർന്ന് നടത്തിയ അന്വേഷണത്തിലാണ് തട്ടിപ്പ് സംബന്ധിച്ച വിവരങ്ങൾ പൊലീസിന് ലഭിച്ചത്. ഗോപാലകൃഷ്ണനെ പൊലീസ് അറസ്റ്റ് ചെയ്തു.
ഒരു പുതുമുഖ സംവിധായകന്റെ ബാങ്ക് അക്കൗണ്ട് വഴി ആണ് ഗോപാലകൃഷ്ണൻ തട്ടിപ്പുകൾ നടത്തിയിരുന്നത്. ഇയാളുടെ മറ്റു തട്ടിപ്പുകൾ സംബന്ധിച്ചും അന്വേഷണത്തെ നടക്കുകയാണ്. അറസ്റ്റിലാകുമ്പോൾ മൊബൈൽ ഫോണുകളും 10 ലക്ഷം രൂപയും ഇയാളിൽ നിന്ന് കണ്ടെടുത്തത്.