സുരേഷ് ഗോപി ചിത്രം കാവലിലെ പുതിയ ഗാനം പുറത്തുവിട്ടു ‘കാര്മേഘം മൂടുന്നു’ എന്ന് തുടങ്ങുന്ന ഗാനത്തിന്റെ ലിറിക്കല് വീഡിയോയാണ് ഇപ്പോള് പുറത്തുവിട്ടിരിക്കുന്നത്. നവംബര് 25നാണ് ചിത്രം തിയേറ്ററുകളില് എത്തുന്നത്.കെ എസ് ചിത്രയാണ് ഗാനം ആലപിച്ചിരിക്കുന്നത്. ബി.കെ. ഹരിനാരായണന്റെ വരികള്ക്ക് രഞ്ജിന് രാജ് സംഗീതം ഒരുക്കുന്നു.
ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജാണ് ചിത്രം നിര്മ്മിക്കുന്നത്. പഞ്ച് ഡയലോഗുകളും മാസ്സ് സീക്വന്സുമുള്ള നായക കഥാപാത്രത്തെ ഒരു ഇടവേളക്ക് ശേഷമാണ് സുരേഷ് ഗോപി അവതരിപ്പിക്കുന്നത്. തമ്പാന് എന്ന കഥാപാത്രത്തെയാണ് ചിത്രത്തില് സുരേഷ് ഗോപി അവതരിപ്പിക്കുന്നത്.
രഞ്ജി പണിക്കരും ചിത്രത്തില് ശ്രദ്ധേയമായ വേഷം കൈകാര്യം ചെയ്യുന്നുണ്ട്.സുരേഷ് കൃഷ്ണ, സന്തോഷ് കീഴാറ്റൂര്, ശങ്കര് രാമകൃഷ്ണന്,ശ്രീജിത്ത് രവി, രാജേഷ് ശര്മ്മ, കിച്ചു ടെല്ലസ്, കണ്ണന് രാജന് പി ദേവ് തുടങ്ങിയവര് ചിത്രത്തില് അണിനിരക്കുന്നു.ഛായഗ്രഹണം നിഖില് എസ് പ്രവീണ് നിര്വ്വഹിക്കുന്നു. കല ദിലീപ് നാഥ്, മേക്കപ്പ് പ്രദീപ് രംഗനുമാണ്.