സൂര്യയും മോഹന്ലാലും ഒന്നിക്കുന്ന കെ വി ആനന്ദിന്റെ കാപ്പാന് തിയേറ്ററുകളിലെത്തുന്നത് ഉറ്റുനോക്കുകയാണ് ആരാധകര്. കേരളത്തിലെയും തമിഴ്നാട്ടിലെയും സിനിമാ ആസ്വാദകര് ഒരു പോലെ കാത്തിരിക്കുന്ന ചിത്രം കേരളത്തില് വിതരണത്തിനെത്തിക്കുന്നത് ടോമിച്ചന് മുളകുപാടമാണ്.
സംവിധാനത്തില് സൂര്യയും മോഹന്ലാലും ഒന്നിക്കുന്ന കാപ്പാനിന്റെ കേരള വിതരണാവകാശം മുളകുപാടം ഫിലിംസ് സ്വന്തമാക്കി. വന് തുകയ്ക്കാണ് വിതരണാവകാശം നേടിയതെന്നാണ് സൂചന. ഓഗസ്റ്റ് 30നാണ് ചിത്രത്തിന്റെ ആഗോള റിലീസ്. പ്രധാനമന്ത്രി ചന്ദ്രകാന്ത് വര്മ എന്ന കഥാപാത്രത്തെയാണ് കാപ്പാനില് മോഹന്ലാല് അവതരിപ്പിക്കുന്നത്. പ്രധാനമന്ത്രിയുടെ സുരക്ഷാ ചുമതലയുള്ള എന്എസ്ജി കമാന്ഡോ ആയി സൂര്യയും എത്തുന്നു.
ആര്യയാണ് വില്ലന് വേഷത്തില് എത്തുന്നത്. ചെന്നൈ, ഡല്ഹി, കുളു മണാലി, ലണ്ടന്, ന്യൂയോര്ക്ക്, ബ്രസീല് എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂര്ത്തിയാക്കിയിരുന്നു. 100 കോടി ചെലവില് ലൈക പ്രൊഡക്ഷന്സാണ് ചിത്രം നിര്മ്മിക്കുന്നത്.
സയേഷ സൈഗാളാണ് നായിക. ബോമാന് ഇറാനി, സമുദ്രക്കനി, പ്രേം, ശങ്കര് കൃഷ്ണമൂര്ത്തി എന്നിവരാണ് മറ്റ് താരങ്ങള്.