ജോജു ജോര്ജ് സംവിധായകനായ ‘ഇരട്ട’ സിനിമയുടെ ഒ.ടി.ടി റിലീസ് ഡേറ്റ് പുറത്ത്. ചിത്രം മാര്ച്ച് 3ന് നെറ്റ്ഫ്ളിക്സില് സ്ട്രീമിംഗ് ആരംഭിക്കും. ഫെബ്രുവരി 3ന് ആയിരുന്നു ചിത്രം തിയേറ്ററുകളില് എത്തിയത്. പേര് സൂചിപ്പിക്കുന്നത് പോലെ ജോജു ഡബിള് റോളിലാണ് അഭിനയിക്കുന്നത്.
നവാഗതനായ രോഹിത് എം.ജി കൃഷ്ണന് ആണ് ഇരട്ട സംവിധാനം ചെയ്തത്. ജോജു ജോര്ജ് ആദ്യമായി ഡബിള് റോളില് അഭിനയിക്കുന്ന ചിത്രം കൂടിയാണിത്. വിനോദ്, പ്രമോദ് എന്നീ ഇരട്ട സഹോദരന്മാരായാണ് ജോജു ഈ ചിത്രത്തില് എത്തുന്നത്.
നിരവധി സസ്പെന്സുകള് ഒളിപ്പിച്ചു വച്ച ഒരു പൊലീസ് ക്രൈം ഇന്വെസ്റ്റിഗേഷന് ത്രില്ലര് ആണ് ചിത്രം. അഞ്ജലി ആണ് ചിത്രത്തില് നായിക. ജോജുവിന്റെ ഉടമസ്ഥതയിലുള്ള അപ്പു പാത്തു പപ്പു പ്രൊഡക്ഷന്സും മാര്ട്ടിന് പ്രക്കാട്ട് ഫിലിംസും സിജോ വടക്കനും ചേര്ന്നാണ് ചിത്രത്തിന്റെ നിര്മ്മാണം.
ശ്രിന്ദ, ആര്യ സലിം, ശ്രീകാന്ത് മുരളി, സാബുമോന്, അഭിറാം എന്നിവരാണ് ഇരട്ടയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. വിജയ് ആണ് ഛായാഗ്രഹണം, സംഗീതം ജേക്സ് ബിജോയ് ആണ്. എഡിറ്റിംഗ് മനു ആന്റണി.