വരുണ്‍, യോഗി ബാബു എന്നിവര്‍ കേന്ദ്രകഥാപാത്രങ്ങളായി എത്തുന്ന “പപ്പി”യുടെ ഫസ്റ്റ് ലുക്ക് പോസ്റ്റര്‍ വിവാദത്തില്‍. പോസ്റ്ററില്‍ ആള്‍ദൈവം നിത്യാനന്ദയും പോണ്‍താരം ജോണി സിന്‍സും പ്രത്യക്ഷപ്പെട്ടതാണ് വിവാദത്തിന് വഴി തുറന്നിരിക്കുന്നത്. മതവികാരത്തെ വ്രണപ്പെടുത്തുന്ന കാര്യമാണിതെന്ന് ആരോപിച്ച് ശിവസേന രംഗത്തുവന്നു.
“നിത്യാനന്ദയുടെ ചിത്രം പോണ്‍താരത്തിനൊപ്പം നല്‍കിയതിലൂടെ അദ്ദേഹത്തെ നിന്ദിക്കുകയാണ് ചെയ്യുന്നത്. ഇത് നിത്യാനന്ദ ഭക്തരുടെ വികാരത്തെ വ്രണപ്പെടുത്തിയിരിക്കുന്നു.” തമിഴ്‌നാട് ശിവസേന വിഭാഗം ആരോപിച്ചു. ഇത് ചൂണ്ടിക്കാട്ടി ശിവസേന സംസ്ഥാന പ്രസിഡന്റ് എ.സെല്‍വം പോസ്റ്ററിനെതിരെ പരാതി നല്‍കി.
പോസ്റ്റര്‍ ഹിന്ദുക്കളുടെ മതവികാരത്തെ വ്രണപ്പെടുത്തുന്നു എന്നാണ് എ.സെല്‍വം പരാതിയില്‍ പറയുന്നത്. നവാഗതനായ നാട്ടുദേവ് ആണ് ചിത്രം സംവിധാനം ചെയ്യുന്നത്. വേല്‍സ് ഇന്റര്‍നാഷ്ണലിന്റെ ബാനറില്‍ ഇസ്രൈ ഗണേഷ് ആണ് ചിത്രം നിര്‍മിക്കുന്നത്.