ബ്ലോക്ക്ബസ്റ്റർ ചിത്രം ‘ആവേശ’ത്തിന് ശേഷം ജിതു മാധവൻ തിരക്കഥയൊരുക്കുന്ന പുതിയ ചിത്രത്തിൽ നായകനായി സജിൻ ഗോപു. ആവേശം, മഹേഷിന്റെ പ്രതികാരം ഫെയിം ശ്രീജിത്ത് ബാബു സംവിധാനം ചെയ്യുന്ന ചിത്രത്തിൽ അനശ്വര രാജനാണ് നായികയായെത്തുന്നത്.
ഫഹദ് ഫാസിൽ ആന്റ് ഫ്രണ്ട്സിന്റെ ബാനറിൽ നസ്റിയ നാസിം. ഫഹദ് ഫാസിൽ, ജിതു മാധവൻ എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രത്തിന്റെ പൂജ അൻവർ റഷീദ് ക്ലാപ്പ് അടിച്ച് നിർവഹിച്ചു. ആവേശത്തിൽ ശാന്തൻ എന്ന കഥാപാത്രം ചെയ്ത റോഷൻ ഷാനവാസും ചിത്രത്തിൽ ചിത്രത്തിൽ അണിനിരക്കുന്നുണ്ട്.
ആവേശത്തിന് ശേഷം ജിതു മാധവൻ തിരക്കഥയെഴുതുന്ന ചിത്രമായതുകൊണ്ട് തന്നെ വലിയ പ്രതീക്ഷയിലാണ് ആരാധകർ. ചിത്രത്തിന്റെ കൂടുതൽ വിവരങ്ങൾ വരും ദിവസങ്ങളിൽ ലഭ്യമാവും.
ഫഹദിന്റെ കരിയറിലെ തന്നെ ഏറ്റവും മികച്ച കഥാപാത്രങ്ങളിലൊന്നായാണ് ആവേശത്തിലെ രംഗയെ പ്രേക്ഷകരും നിരൂപകരും കണക്കാക്കുന്നത്. ഫഹദിനൊപ്പം തന്നെ ഏറ്റവും കൂടുതൽ ചർച്ച ചെയ്യപ്പെട്ട കഥാപാത്രമാണ് സജിൻ ഗോപു അവതരിപ്പിച്ച രംഗണ്ണന്റെ വലംകൈയായ അമ്പാൻ. രോമാഞ്ചം എന്ന ജിതു മാധവന്റെ ആദ്യ ചിത്രത്തിലെ നിരൂപ് എന്ന കഥാപാത്രവും സജിൻ ഗോപുവിന്റെ ശ്രദ്ധേയമായ വേഷമായിരുന്നു.