“സൂഫിയും സുജാതയും” സിനിമയിലെ ഏറെ ഹിറ്റായ ഗാനമാണ് “വാതുക്കല് വെള്ളരിപ്രാവ്”. അച്ഛന്റെ സിനിമയിലെ ഗാനത്തിന് നൃത്ത ചുവടുകളുമായി എത്തിയിരിക്കുകയാണ് ജയസൂര്യയുടെ മകള് വേദ. ഇളം വയലറ്റ് നിറത്തിലുള്ള വസ്ത്രം ധരിച്ച് മനോഹരമായ ചുവടുകളുമായാണ് വേദ എത്തിയിരിക്കുന്നത്.
വീഡിയോ നിമിഷങ്ങള്ക്കകം തന്നെ വൈറലായി. വേദയ്ക്ക് ആശംസകളുമായി സിനിമാതാരങ്ങളും ആരാധകരും രംഗത്തെത്തി. അച്ഛനെയും ചേട്ടനെയും പോലെ അഭിനയിത്തിലേക്ക് വരുമോ എന്നും ചിലര് ചോദിക്കുന്നുണ്ട്. പാട്ടു പോലെ തന്നെ മനോഹരമായ ചുവടുകളും എന്നും ചിലര് കമന്റ് ചെയ്തു.
https://www.instagram.com/p/CD8EzsRnxuN/
ജയസൂര്യയുടെ മകന് അദ്വൈദ് നേരത്തെ സിനിമയിലെത്തിയിരുന്നു. ഷോര്ട്ട് ഫിലിമുകളില് അടക്കം അഭിനയിച്ച അദ്വൈദ് “തൃശൂര് പൂരം” എന്ന സിനിമയില് ജയസൂര്യയുടെ കുട്ടിക്കാലം അവതരിപ്പിച്ച് എത്തിയിരുന്നു. ജയസൂര്യയുടെ ഭാര്യ സരിത ഫാഷന് ഡിസൈനറാണ്.
മലയാളത്തിലെ ആദ്യ ഡയറക്ട് ഒടിടി റിലീസ് ചിത്രമായിരുന്നു സൂഫിയും സുജാതയും. പ്രേക്ഷകര് ഏറ്റെടുത്ത ഗാനമാണ് വാതുക്കല് വെള്ളരിപ്രാവ്. നിത്യ മാമന്, അര്ജുന് കൃഷ്ണ, സിയ ഉള് ഹഖ് എന്നിവര് ചേര്ന്ന് ആലപിച്ച ഗാനത്തിന് എം. ജയചന്ദ്രനാണ് ഈണമിട്ടത്. ബി.കെ ഹരിനാരായണന്,
ഷാഫി കൊല്ലം എന്നിവരാണ് വരികള് ഒരുക്കിയത്.