ജയസൂര്യയെ നായകനാക്കി രഞ്ജിത്ത് ശങ്കര് സംവിധാനം ചെയ്യുന്ന “സണ്ണി” ചിത്രത്തിന്റെ ടീസര് പുറത്തിറങ്ങി. 51 സെക്കന്റ് മാത്രമുള്ള ടീസറില് സംശയം, ആശങ്ക, പ്രതീക്ഷ, സ്നേഹം, സഹതാപം, അനിശ്ചിതത്വം, ദുഖം, വേദന, നിരാശ, ദേഷ്യം തുടങ്ങിയ വിവിധ ഭാവങ്ങളിലൂടെയാണ് ജയസൂര്യ കടന്നു പോകുന്നത്.
ജയസൂര്യയുടെ നൂറാമത്തെ ചിത്രമാണ് സണ്ണി. പ്രേതം 2-വിനു ശേഷം രഞ്ജിത്ത് ശങ്കറും ജയസൂര്യയും ഒന്നിക്കുന്ന ചിത്രം കൂടിയാണിത്. ചിത്രത്തില് സംഗീതജ്ഞനായാണ് ജയസൂര്യ വേഷമിടുക. സംവിധായകന് തന്നെ തിരക്കഥ ഒരുക്കുന്ന ചിത്രത്തിന് മധു നീലകണ്ഠന് ആണ് ഛായാഗ്രഹണം നിര്വ്വഹിക്കുന്നത്.
ശങ്കര് ശര്മ്മ സംഗീതവും ഷമീര് മുഹമ്മദ് എഡിറ്റിംഗും നിര്വ്വഹിക്കുന്നു. സാന്ദ്ര മാധവ് ആണ് ഗാനങ്ങള് ഒരുക്കുന്നത്. കോവിഡ് മാനദണ്ഡങ്ങള് അനുസരിച്ച് കൊച്ചിയിലാണ് ചിത്രത്തിന്റെ ഷൂട്ടിംഗ് നടക്കുക. രഞ്ജിത്തും ജയസൂര്യയും ഒന്നിക്കുന്ന ആറാമത്തെ സിനിമ കൂടിയാണിത്.
പുണ്യാളന് അഗര്ബത്തീസ്, സൂ..സൂ..സുധി വാത്മീകം, പ്രേതം, പുണ്യാളന് പ്രൈവറ്റ് ലിമിറ്റഡ്, ഞാന് മേരിക്കുട്ടി, പ്രേതം 2 എന്നിവയാണ് ഇരുവരും ഒന്നിച്ച മറ്റ് സിനിമകള്. ഊമപെണ്ണിന് ഉരിയാടാപയ്യന് എന്ന ചിത്രത്തിലൂടെ സിനിമാരംഗത്ത് എത്തിയ താരം സിനിമയില് പതിനെട്ട് വര്ഷം പൂര്ത്തിയാക്കുകയാണ്.