നിരവധി പുരസ്കാരങ്ങള് നേടിയ ക്യാപ്റ്റനുശേഷംസംവിധായകന് പ്രജേഷ് സെന് ജയസൂര്യയെ നായകനാക്കി തിരക്കഥയെഴുതി സംവിധാനം ചെയ്യുന്ന പുതിയ ചിത്രം “വെള്ളം ദ എസന്ഷ്യല് ഡ്രിങ്കിന്റെ” ഫസ്റ്റ് ലുക്ക് പോസ്റ്റര് പുറത്തിറങ്ങി. മലയാളത്തിലെ യുവതാരങ്ങളായ കുഞ്ചാക്കോ ബോബന്, ആസിഫ് അലി, സംയുക്ത മേനോന്, ജയസൂര്യ എന്നിവരുടെ ഫെയ്സ്ബുക്ക് പേജിലൂടെയാണ് പോസ്റ്റര് റിലീസ് ചെയ്തത്.
പോസ്റ്ററില് ജയസൂര്യയെ ഒരു സാധാരണ തൊഴിലാളിയായാണ് കാണുന്നത്. നിരവധി ചിത്രത്തിലൂടെ പ്രേഷകരുടെ ഇഷ്ട്ടനായികയായി മാറിയ സംയുക്ത മേനോന് ആണ് ചിത്രത്തിലെ നായികയായി എത്തുന്നത്. ജയസൂര്യയും സംയുക്തയും ആദ്യമായി ഒന്നിക്കുന്ന ചിത്രം കൂടിയാണ് “വെള്ളം ദ എസന്ഷ്യല് ഡ്രിങ്ക്”.സിദ്ദിഖ്, ബൈജു, സന്തോഷ് കീഴാറ്റൂര്, ഇടവേള ബാബു, ബാബു അന്നൂര്, നിര്മ്മല് പാലാഴി, ശ്രീലക്ഷ്മി, സ്നേഹ പാലേരി, പ്രി യങ്ക, ജോണി ആന്റണി, ജിന്സ് ഭാസ്കര്, സിനില് സൈനുദ്ദീന് തുടങ്ങിയവരും മുപ്പതോളം പുതുമുഖങ്ങളും ചിത്രത്തില് വേഷമിടുന്നു.
ഫ്രണ്ട് ലി പ്രൊഡക്ഷന്സിന്റെ ബാനറില് മനു പി. നായരും ജോണ് കുടിയാന്മലയും ചേര്ന്നാണ് ചിത്രം നിര്മിക്കുന്നത്. കോ-പ്രൊഡ്യൂസര് ബിജു തോരണത്തേല്, ജോസ്കുട്ടി ജോസ് മഠത്തില്. റോബി വര്ഗീസ് രാജ് ആണ് ഛായാഗ്രഹണം. എഡിറ്റിംഗ് ബിജിത്ത് ബാല. സെന്ട്രല് പിക്ച്ചേഴ്സ് ആണ് ചിത്രം തിയേറ്ററുകളിലെത്തിക്കുന്നത്.