അടി കപ്യാരെ കൂട്ടമണി, മങ്കിപെന്, അങ്കമാലി ഡയറീസ്, ആട്, ജൂണ് എന്ന ചിത്രങ്ങള്ക്ക് ശേഷം മലയാളി സിനിമാ പ്രേക്ഷകരെ പൊട്ടിച്ചിരിപ്പിക്കാന് ഫ്രൈഡേ ഫിലിം ഹൗസിന്റെ ജനമൈത്രി ഇന്ന് തിയേറ്ററുകളില്. തിരക്കഥാകൃത്തായ ജോണ് മന്ത്രിക്കല് ആദ്യമായി സംവിധാനം ചെയ്യുന്ന ചിത്രം മുഴുനീള എന്റര്ടെയ്നറാണ്.
ദ്വയാര്ത്ഥ പ്രയോഗങ്ങളോ മറ്റ് അശ്ലീലധ്വനികളോ ഒന്നുമില്ലാതെ എല്ലാവിഭാഗം ആളുകള്ക്കും ഒന്നിച്ചിരുന്ന് രണ്ട് മണിക്കൂര് ആസ്വദിക്കാന് പറ്റുന്ന ചിത്രമാണ് ജനമൈത്രിയെന്നാണ് അണിയറ പ്രവര്ത്തകര് തരുന്ന ഉറപ്പ്. ആന് മരിയ കലിപ്പിലാണ്, അലമാര, അര്ജന്റീന ഫാന്സ് കാട്ടൂര്കടവ് എന്നീ ചിത്രങ്ങളുടെ തിരക്കഥയൊരുക്കിയ ജോണ് മന്ത്രിക്കല് ആദ്യമായി സംവിധാനം ചെയ്യുന്ന ചിത്രമാണിത്.
സൈജു കുറുപ്പ്, വിജയ് ബാബു, അനീഷ് ഗോപാല്, ഉണ്ണി രാജന് പി ദേവ്, സിദ്ധാര്ത്ഥ ശിവ, സൂരജ്, പ്രശാന്ത് തുടങ്ങിയവരും ചിത്രത്തിലുണ്ട്.ജോണ്, ജെയിംസ് സെബാസ്റ്റ്യന് എന്നിവര് ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഛായാഗ്രഹണം വിഷ്ണുനാരായണന് നമ്പൂതിരി. ഷാന് റഹമാന്റേതാണ് സംഗീതം. ഫ്രൈഡേ ഫിലിം ഹൗസ് എക്സ്പിരിമെന്റിന്റെ ബാനറിലാണ് ചിത്രം ഒരുങ്ങുന്നത്.
