“ഈമയൗ”വിന് ശേഷം ലിജോ ജോസ് പെല്ലിശേരി സംവിധാനം ചെയ്യുന്ന പുതിയ ചിത്രമായ ജല്ലിക്കട്ടിന്റെ മേക്കിംഗ് വീഡിയോ റിലീസ് ചെയ്തു. രാത്രി രംഗങ്ങള് മറ്റും സാഹസികമായി ചിത്രീകരിക്കുന്നതിന്റെ കാഴ്ച്ചകളാണ് വീഡിയോയില്. മികച്ച സ്വീകാര്യതയാണ് വീഡിയോയിക്ക് ലഭിച്ചു കൊണ്ടിരിക്കുന്നത്. പുറത്തിറങ്ങി മണിക്കൂറുകകള് മാത്രം പിന്നിടുമ്പോള് വീഡിയോയ്ക്ക് അരലക്ഷത്തിന് മേല് കാഴ്ച്ചക്കാരായിട്ടുണ്ട്.
പ്രഖ്യാപന വേള മുതല് മികച്ച സ്വീകാര്യത ലഭിച്ച ചിത്രത്തിനായി ആകാംക്ഷയോടെയാണ് സിനിമാപ്രേമികള് കാത്തിരിക്കുന്നത്. ചിത്രത്തിന്റേതായി പുറത്തിറങ്ങിയ ട്രെയിലറിന് വമ്പന് സ്വീകാര്യതയാണ് ലഭിച്ചത്. രാജ്യാന്തര ചലച്ചിത്ര മേളകളില് മികച്ച പ്രതികരണം ഏറ്റുവാങ്ങിയ ശേഷമാണ് ചിത്രം തിയേറ്ററുകളിലേക്ക് എത്തുന്നത്.
ടൊറന്റോ ഫെസ്റ്റിവലില് പ്രദര്ശിപ്പിച്ച 333 ഫീച്ചര് സിനിമകളില് പ്രശസ്ത നിരൂപകര് തിരഞ്ഞെടുത്ത നാല്പത് സിനിമകളിലെ ആദ്യ രണ്ടില് ജല്ലിക്കട്ട് ഇടം പിടിച്ചിരുന്നു. ലോകപ്രശസ്തരായ 27 നിരൂപകര് ചിത്രത്തിനു നല്കിയത് മൂന്ന് വോട്ട് ആണ്. പ്രശസ്ത കൊറിയന് സംവിധായകന് ജൂന്ഹോ പാരസൈറ്റിനു പോലും രണ്ടു വോട്ടാണ് പാനല് നല്കിയത്.
ഒരു ഗ്രാമത്തില് കയറു പൊട്ടിച്ചോടുന്ന പോത്തിനെ മെരുക്കാന് ശ്രമിക്കുന്ന ഒരു കൂട്ടം ആളുകളുടെ കഥയാണ് ചിത്രം പറയുന്നത്. എസ്. ഹരീഷ് എഴുതിയ മാവോയിസ്റ്റ് എന്ന ചെറുകഥയെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. ആന്റണി വര്ഗീസിനൊപ്പം ചെമ്പന് വിനോദ് ജോസ്, സാബുമോന് തുടങ്ങിയവരും പ്രധാന വേഷങ്ങളിലെത്തുന്നുണ്ട്. തരംഗം ഫെയിം ശാന്തിയാണ് നായിക. അങ്കമാലി ഡയറീസിന് വേണ്ടി ക്യാമറ ചലിപ്പിച്ച ഗിരീഷ് ഗംഗാധരന് തന്നെയാണ് ജല്ലിക്കട്ടിനും ഛായാഗ്രഹണം നിര്വഹിച്ചിരിക്കുന്നത്. പ്രശാന്ത് പിളള സിനിമയ്ക്ക് വേണ്ടി സംഗീതമൊരുക്കിയിരിക്കുന്നു. ഒക്ടോബര് നാലിന് ചിത്രം തിയേറ്ററുകളിലെത്തും. വിജയ് ബാബുവിന്റെ ഫ്രൈഡേ ഫിലിം ഹൗസാണ് ചിത്രം റിലീസിന് എത്തിക്കുന്നത്.