‘ജയ് ഭീം എന്ന ഹിറ്റ് ചിത്രത്തിനു ശേഷം സൂര്യ- ടി ജെ ജ്ഞാനവേൽ കൂട്ടുകെട്ട് വീണ്ടും ഒന്നിക്കുന്നു. സൂര്യയെ പ്രധാന കഥാപാത്രമാക്കി ടി ജെ ജ്ഞാനവേൽ സംവിധാനം ചെയ്യ്ത ചിത്രം ‘ജയ് ഭീം’. പ്രേക്ഷക പ്രീതിയും നിരുപക ശ്രദ്ധയും സ്വന്തമാക്കിയിരുന്നു.
അടിസ്ഥാനവർഗത്തിന്റെ നീതിക്കുവേണ്ടിയുള്ള പോരാട്ടത്തെ കുറിച്ച് സംസാരിച്ച ചിത്രം വളരെ പെട്ടാന്നാണ് ആരാധകർ ഏറ്റെടുത്തത്. ഇപ്പോഴിതാ ഇരുവരും വീണ്ടും ഒന്നിക്കുന്നുവെന്ന വാർത്തകളാണ് പുറത്തുവരുന്നത്.
ബാല സംവിധാനം ചെയ്യുന്ന ‘സൂര്യ 41’ ന് ശേഷം ജ്ഞാനവേലിനൊപ്പമുള്ള സിനിമ ആരംഭിക്കുമെന്നാണ് പുറത്തു വരുന്ന റിപ്പോർട്ടുകൾ. സൂര്യയുടെ പ്രൊഡക്ഷൻ ഹൗസ് മാനേജർ ഇത് സംബന്ധിച്ച സ്ഥിരീകരണം നടത്തിയതായി ടൈംസ് ഓഫ് ഇന്ത്യ റിപ്പോർട്ട് ചെയ്യ്തിരുന്നു . 2ഡി എൻറർടെയ്ൻമെൻറിൻറെ ബാനറിൽ സൂര്യ തന്നെയാണ് ചിത്രം നിർമിച്ചത്.
കഴിഞ്ഞ വർഷം നവംമ്പർ 2നാണ് ആമസോൺ പ്രൈം വീഡിയോയിലൂടെ ജയ്ഭീം റിലീസ് ചെയ്തത്. അഭിഭാഷക വേഷത്തിലെത്തിയ സൂര്യയുടെ കഥാപാത്രവും യഥാർത്ഥ സംഭവത്തിലെ അഭിഭാഷകൻ കെ ചന്ദ്രവും പ്രേക്ഷകർക്കിടയിൽ ചർച്ചയായി മാറിയിരുന്നു.
ലിജോ മോൾ ജോസിന് ചിത്രത്തിലെ അഭിനയത്തിലെ ഏറെ പ്രശംസ ലഭിച്ചിരുന്നു. സെങ്കനി എന്ന കഥാപാത്രത്തെയാണ് ലിജോ മോൾ ചിത്രത്തിൽ അഭിനയിച്ചത്. ചെന്നൈയിലും പരിസര പ്രദേശങ്ങളിലുമായിരുന്നു പ്രധാന ചിത്രീകരണം. എസ് ആർ കതിർ ആണ് ഛായാഗ്രഹണം നിർവ്വഹിച്ചത്. .