ഏഴ് വര്‍ഷത്തെ ഇടവേളയ്ക്ക് ശേഷം നടന്‍ ജഗതി ശ്രീകുമാര്‍ വീണ്ടും സിനിമയിലേയ്ക്ക്. കബീറിന്റെ ദിവസങ്ങള്‍ എന്ന ചിത്രത്തിലൂടെയാണ് ജഗതിയുടെ തിരിച്ചു വരവ്. ഈ വര്‍ഷത്തെ സംസ്ഥാന അവാര്‍ഡ് വാങ്ങിയ “ഒരു ഞായറാഴ്ച” എന്ന ചിത്രത്തിന്റെ നിര്‍മാതാവ് ശരത് ചന്ദ്രന്‍ (ചന്ദ് ക്രിയേഷന്‍ ) നിര്‍മിച്ചു സംവിധാനം ചെയ്യുന്ന ചിത്രമാണ് “കബീറിന്റെ ദിവസങ്ങള്‍”.
ചിത്രത്തില്‍ ജഗതിയോടൊപ്പം മുരളി ചന്ദ് ,ഭരത് ,റേച്ചല്‍ ഡേവിസ് ,ആദിയ പ്രസാദ് ,സുധീര്‍ കരമന ,മേജര്‍ രവി ,ബിജുക്കുട്ടന്‍ ,കൈലാഷ് ,പദ്മരാജന്‍ രതീഷ് ,നോബി ,താരകല്യാണ്‍ സോനാ നായര്‍, ജിലു ജോസഫ് എന്നിവര്‍ അഭിനയിക്കുന്നു. ശ്രീകുമാര്‍ പി.കെയാണ് ചിത്രത്തിന് തിരക്കഥയൊരുക്കിയിരിക്കുന്നത്. ഛായാഗ്രഹണം ഉദയന്‍ അമ്പാടി.
ഗാനരചന ഹരിനാരായണന്‍ , സംഗീതം എം ജയചന്ദ്രന്‍ , അല്‍ഫോന്‍സ് ജോസഫ് ,അനിത ഷെയ്ഖ്. മേക്കപ്പ് സജി കാട്ടാക്കട. എഡിറ്റര്‍ സുജിത് സഹദേവ്. ചിത്രത്തിന്റെ കൂടുതല്‍ വിവരങ്ങള്‍ ഉടന്‍ പുറത്തു വിടുമെന്ന് അണിയറ പ്രവര്‍ത്തകര്‍ അറിയിച്ചു.