ഇന്ത്യന്‍ സിനിമയുടെ തന്നെ പ്രധാന ചിത്രങ്ങളിലൊന്നാണ് ് മണിരത്‌നത്തിന്റെ ‘ഇരുവര്‍’. മോഹന്‍ലാല്‍, പ്രകാശ് രാജ്, ഐശ്വര്യ റായ് എന്നിങ്ങനെ വന്‍ താര നിര തന്നെയാണ് ഈ സിനിമയ്ക്കായി അണിനിരന്നത്. ഇപ്പോഴിതാ 1997ല്‍ റിലീസ് ചെയ്ത ചിത്രത്തിന്റെ ഓര്‍മ്മകള്‍ പങ്കുവയ്ക്കുകയാണ് ഇപ്പോള്‍ മോഹന്‍ലാല്‍. ‘എന്റെ സിനിമാ യാത്രയിലെ ഏറ്റവും ഹൃദ്യമായ അനുഭവങ്ങളിലൊന്ന്’ എന്ന് കുറിച്ചുകൊണ്ടാണ് താരം പോസ്റ്റ് പങ്കുവച്ചിരിക്കുന്നത്.
‘ഇരുവര്‍’ തെന്നിന്ത്യന്‍ സിനിമയില്‍ വന്‍ ചലനം സൃഷ്ടിച്ച ഒരു ചിത്രം കൂടിയായിരുന്നു. മോഹന്‍ലാല്‍ എജി ആര്‍ ആയും പ്രകാശ് രാജ് കരുണാനിധിയായും അസാമാന്യ പ്രകടനം കാഴ്ചവച്ചു. ജയലളിതയായി എത്തിയത് ബോളിവുഡിലെ താരസുന്ദരിയായ ഐശ്വര്യ റായ് ആണ്.
ഇപ്പോഴും സിനിമാ പ്രേമികളുടെ ഇടയില്‍ ഇരുവര്‍ സിനിമയ്ക്ക് സ്ഥാനമുണ്ട്. മികച്ച ഛായാഗ്രഹണം, മികച്ച സഹനടന്‍ എന്ന നിലയില്‍ ദേശിയ പുരസ്‌കാരവും മികച്ച ഛായാഗ്രാഹകനല്ല ഫിലിം ഫെയര്‍ പുരസ്‌കാരവും ഇരുവര്‍ സിനിമയ്ക്ക് ലഭിച്ചിട്ടുണ്ട്.