ഫഹദ് ഫാസില്‍ ചിത്രം “ഇരുള്‍” ഏപ്രില്‍ 2ന് നെറ്റ്ഫ്‌ളിക്‌സില്‍ റിലീസിന് ഒരുങ്ങുകയാണ്. ചിത്രത്തിന്റെ ഏറെ നിഗൂഢതകള്‍ നിറഞ്ഞ ട്രെയ്‌ലര്‍ ആണ് കഴിഞ്ഞ ദിവസം പുറത്തു വന്നത്. ഇരുളിന്റെ പുതിയ പോസ്റ്റര്‍ ആണ് ഫഹദ് ഇപ്പോള്‍ സോഷ്യല്‍ മീഡിയയില്‍ പങ്കുവെച്ചിരിക്കുന്നത്. “”ഇരുളിന്റെ വിളി വന്നാല്‍ അതിനെ നേരിടുക എന്നത് മാത്രമാണ് മുന്നിലുള്ള ഏക മാര്‍ഗം. അത് നിങ്ങള്‍ ചെയ്യുമോ?”” എന്നാണ് താരം പോസ്റ്ററിന് കാപ്ഷനായി കുറിച്ചിരിക്കുന്നത്.
നസീഫ് യൂസുഫ് സംവിധാനം ചെയ്യുന്ന ചിത്രം ആന്റോ ജോസഫ് ഫിലിം കമ്പനിയുടെയും പ്ലാന്‍ ജെ സ്റ്റുഡിയോസിന്റെയും ബാനറില്‍ ആന്റോ ജോസഫ്, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവരാണ് ചിത്രം നിര്‍മ്മിക്കുന്നത്. പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്തുന്ന ചിത്രത്തിന്റെ ട്രെയ്‌ലര്‍ സോഷ്യല്‍ മീഡിയയില്‍ ചര്‍ച്ചയായിരുന്നു.
ഫഹദ്, സൗബിന്‍ എന്നിവരുടെ കഥാപാത്രങ്ങള്‍ തമ്മില്‍ വര്‍ഷങ്ങള്‍ക്ക് മുമ്പ് നടത്തിയ കൊലപാതകങ്ങള്‍ ആസ്പദമാക്കി എഴുതിയ ഒരു നോവലിനെ കുറിച്ച് സംസാരിക്കുന്നിടത്താണ് ട്രെയിലര്‍ ആരംഭിക്കുന്നത്. ഇരുളില്‍ ആകെയുണ്ടാകുക മുന്ന് കഥാപാത്രങ്ങള്‍ മാത്രമെന്ന് സംവിധായകന്‍ നസീഫ് യൂസുഫ് ഇസുദ്ദിന്‍ നേരത്തെ പറഞ്ഞിരുന്നു.
ഫഹദ് ഫാസിലിന് പുറമെ സൗബിന്‍ ഷാഹിര്‍, ദര്‍ശന രാജേന്ദ്രന്‍ എന്നിവരടക്കം മൂന്ന് കഥാപാത്രങ്ങള്‍ മാത്രമാണ് ചിത്രത്തിലുണ്ടാകുക. ജോമോന്‍ ടി ജോണ്‍ ഛായാഗ്രഹണം നിര്‍വ്വഹിക്കുന്നു. സീ യൂ സൂണ്‍ ചിത്രത്തിന് ശേഷം ഫഹദിന്റെ രണ്ടാമത്തെ ഒ.ടി.ടി റിലീസ് ചിത്രമാണ് ഇരുള്‍. സീ യൂ സൂണിന് മികച്ച പ്രതികരണമായിരുന്നു ലഭിച്ചത്.