വടംവലിയുടെ ആവേശവുമായെത്തുന്ന ഇന്ദ്രജിത്ത് ചിത്രം “ആഹാ”യുടെ ടീസര് റിലീസ് ചെയ്തു. മോഹന്ലാലാണ് തന്റെ ഫെയ്സ്ബുക്ക് പേജിലൂടെ ടീസര് പുറത്തുവിട്ടത്. 2008-ലെ വടംവലി സീസണില് എഴുപത്തിമൂന്ന് മത്സരങ്ങളില് എഴുപത്തിരണ്ടിലും ചാമ്പ്യന്പട്ടം കരസ്ഥമാക്കിയ “ആഹാ നീലൂര്” എന്ന ടീമിനോടുള്ള ബഹുമാനസൂചകമായാണ് ചിത്രത്തിന് ആഹാ എന്ന് പേര് നല്കിയിരിക്കുന്നത്.
മികച്ച സ്വീകാര്യതയാണ് ടീസറിന് ലഭിച്ചിരിക്കുന്നത്. പുറത്തിറങ്ങി മണിക്കൂറുകള് മാത്രം പിന്നിടുമ്പോള് മൂന്ന് ലക്ഷത്തിനടുത്ത് കാഴ്ച്ചക്കാരുമായി ടീസര് യൂട്യൂബ് ട്രെന്ഡിംഗില് രണ്ടാമതുണ്ട്. സാ സാ പ്രൊഡക്ഷന്സിന്റെ ബാനറില് പ്രേം അബ്രഹാം നിര്മ്മിച്ച് എഡിറ്റര്കൂടിയായ ബിബിന് പോള് സാമുവേല് ആണ് ചിത്രം സംവിധാനം ചെയ്യുന്നത്. മനോജ് കെ ജയന്, ശാന്തി ബാലചന്ദ്രന്, അമിത് ചക്കാലക്കല്, അശ്വിന് കുമാര്, സിദ്ധാര്ത്ഥ ശിവ എന്നിങ്ങനെ നിരവധി അഭിനേതാക്കള് അണിനിരക്കുന്നുണ്ട്.
ചിത്രത്തിന്റെ ഛായാഗ്രാഹകന് ബോളിവുഡില് സജീവമായ രാഹുല് ബാലചന്ദ്രനാണ്. ടോബിത് ചിറയത് തിരക്കഥയും സംഭാഷണവും ഒരുക്കിയിരിക്കുന്ന ചിത്രത്തിന്റെ സംഗീതം സയനോര ഫിലിപ്പാണ്. അടുത്ത മാസം ചിത്രം തിയേറ്ററുകളിലെത്തും.
