ദുല്ഖറിനും അമാലിനും കുഞ്ഞുമറിയത്തിനും ഒപ്പം നില്ക്കുന്ന മോഹന്ലാലിന്റെ ചിത്രം സോഷ്യല് മീഡിയയില് വൈറലായിരിക്കുകയാണ്. മറിയത്തോട് കുശലം പറയുന്ന മോഹന്ലാലും അച്ഛന് ദുല്ഖറിന്റെ കൈയിലിരുന്ന് കൗതുകത്തോടെ നോക്കുന്ന മറിയവുമാണ് ചിത്രത്തിലുള്ളത്. ഈ ചിത്രം പങ്കുവെച്ച ഇന്ത്യ ടുഡേയുടെ വാര്ത്തയാണ് ഇപ്പോള് ചര്ച്ചയായിരിക്കുന്നത്.
മകന് ദുല്ഖര് സല്മാനും കൊച്ചു മകള് മറിയത്തിനും ഒപ്പമുള്ള മോഹന്ലാലിന്റെ ചിത്രം എന്നാണ് ഇന്ത്യ ടുഡേ വാര്ത്തയില് എഴുതിയിരിക്കുന്നത്. ഇതോടെ പൊങ്കാലയുമായി ആരാധകരും സിനിമാപ്രേമി കളും രംഗത്തെത്തി. കഞ്ചാവ് അടിച്ചിരിപ്പാണോ?, വിശ്വാസ്വതയെ ചോദ്യം ചെയ്യുന്നു എന്നിങ്ങനെയുള്ള കമന്റുകളാണ് വരുന്നത്.
മലയാളികള് അടക്കം കമന്റുകളുമായി എത്തിയിട്ടുണ്ട്. അപ്പോള് പ്രണവ് ആരാ?, ബിലാലിക്ക എത്താന് ലേറ്റ് ആകും അതിന് മുമ്പ് പോസ്റ്റ് മുക്കിക്കോ എന്നിങ്ങനെയാണ് ചില കമന്റുകള്. വാര്ത്ത എഡിറ്റ് ചെയ്തെങ്കിലും സ്ക്രീന് ഷോട്ടുകള് പ്രചരിക്കുന്നുണ്ട്.
മമ്മൂട്ടിയുടെ കടവന്ത്രയിലെ വസതിയില് സന്ദര്ശനത്തിന് എത്തിയ മോഹന്ലാലിന്റെ ചിത്രമാണ് സോഷ്യല് മീഡിയയില് വൈറലായത്. ഫോട്ടോയ്ക്ക് പോസ് ചെയ്യൂ എന്ന പറയുന്ന പോലെ മുന്നിലേക്ക് ചൂണ്ടിക്കാണിക്കുന്ന മോഹന്ലാലിനെയും കൗതുകത്തോടെ താരത്തെ നോക്കുന്ന മറിയത്തെയും ചിത്രത്തില് കാണാം.
