ഐഎഫ്എഫ്കെ അന്താരാഷ്ട്ര മത്സരവിഭാഗത്തിലേക്ക് രണ്ട് മലയാള സിനിമകള് തിരഞ്ഞെടുത്തു. ഉണ്ണികൃഷ്ണന് ആവളയുടെ ‘ലൈഫ് ഓഫ് എ ഫാലസ്’, സഞ്ജു സുരേന്ദ്രന്റെ ‘ഖിഡ്കി ഗാവ്’ എന്നീ ചിത്രങ്ങളാണ് മത്സരിക്കുക. ബുസാന് അന്താരാഷ്ട്ര ചലച്ചിത്രോത്സവത്തില് ഹൈലൈഫ് വിഷന് അവാര്ഡ് സ്വന്തമാക്കിയ ചിത്രം കൂടിയാണ് ഖിഡ്കി ഗാവ്. ഡിസംബര് 12 മുതല് 19 വരെയാണ് ചലച്ചിത്ര മേള നടക്കുന്നത്.
മലയാളം സിനിമ ടുഡേ വിഭാഗത്തില് 12 ചിത്രങ്ങളാണ് തിരഞ്ഞെടുക്കപ്പെട്ടത്. ചിത്രങ്ങള്: എബ്ബ് (ജിയോ ബേബി), സമസ്താലോകാ (ഷെറി ഗോവിന്ദന്), അംബ്രോസിയ (ആദിത്യാ ബേബി), കാത്തിരിപ്പ് (നിപിന് നാരായണന്), പെണ്ണും പൊറാട്ടും (രാജേഷ് മാധവന്), ശവപ്പെട്ടി (റിനോഷന് കെ.), ആദിസ്നേഹത്തിന്റെ വിരുന്നുമേശ (മിനി ഐ.ജി.), ശേഷിപ്പ് (ശ്രീജിത്ത് എസ്. കുമാര്, ഗ്രിറ്റോ വിന്സെന്റ്), അന്യരുടെ ആകാശങ്ങള് (ശ്രീകുമാര് കെ.), ഒരു അപസര്പ്പക കഥ (അരുണ് വര്ധന്), മോഹം (ഫാസില് റസാഖ്), ചാവു കല്യാണം (വിഷ്ണു ബി. ബീന).