വിവാഹം ചെയ്യാമെന്നുറപ്പു നല്കി പിന്നീട് വാക്ക് മാറ്റിയെന്ന് ആരോപിച്ച് ബിഗ് ബോസ് മത്സരാര്ഥിക്കെതിരെ പരാതി നല്കി നടി സനം ഷെട്ടി. ബിഗ് ബോസ് തമിഴ് മൂന്നാം സീസണിലെ മത്സരാര്ഥിയായിരുന്ന തര്ഷനെതിരെയാണ് സനം ഷെട്ടിയുടെ പരാതി. 2019 മെയ് മാസം ഇരുവരുടെയും വിവാഹനിശ്ചയം കഴിഞ്ഞിരുന്നു. ജൂലൈയില് വിവാഹം നടത്താമെന്നായിരുന്നു തീരുമാനം. എന്നാല് പിന്നീട് തര്ഷന് വിവാഹത്തിന് വിസ്സമ്മതിക്കുകയായിരുന്നെന്ന് കേസ് ഫയല് ചെയ്ത ശേഷം മാധ്യമങ്ങളോടു സംസാരിക്കവേ സനം ഷെട്ടി പറഞ്ഞു.
2019 ജൂണ് 10നായിരുന്നു വിവാഹം നടത്താന് തീരുമാനിച്ചത്. ഇതിന് പിന്നാലെ വിവാഹത്തിനുള്ള ഒരുക്കങ്ങളെല്ലാം ആരംഭിക്കുകയും ചെയ്തിരുന്നു. ഇതിനിടെയായിരുന്നു ബിഗ് ബോസിന്റെ മൂന്നാം സീസണില് പങ്കെടുക്കാനുള്ള അവസരം തര്ഷനെ തേടിയെത്തിയത്. ഇതോടെയാണ് തര്ഷന്റെ സ്വഭാവത്തില് മാറ്റം വരുന്നതെന്നും സനം പറയുന്നു.
കൂടെ അഭിനയിക്കുന്നവരുമായി അവിഹിത ബന്ധമുണ്ടെന്ന് ആരോപിച്ച് തര്ഷന് തന്നെ അപമാനിക്കുകയും മാനസികമായി പീഡിപ്പിക്കുകയും ചെയ്തു എന്നും സനം പറഞ്ഞു. ഇത് തന്റെ അച്ഛന് ഹൃദയസ്തംഭനം വരെ ഉണ്ടാക്കിയിരുന്നു. മോഡലിങ്ങിനും സിനിമ കരിയറിനുമായി ഏകദേശം 15 ലക്ഷത്തോളം രൂപ തര്ഷനുവേണ്ടി താന് ചെലവാക്കിയിരുന്നു. വഞ്ചന, ചതി, സ്ത്രീ പീഡനം, ഭീഷണി, വിശ്വാസ വഞ്ചന എന്നീ വകുപ്പുകളിലായാണ് തര്ഷനെതിരെ സനം കേസ് നല്കിയിരിക്കുന്നത്.