നടന്‍ നാഗചൈതന്യ തന്റെ പുതിയ ചിത്രമായ കസ്റ്റഡിയുടെ പ്രമോഷന്‍ വേളയില്‍ പറഞ്ഞ കാര്യങ്ങള്‍ ഇപ്പോള്‍ സിനിമാ ലോകത്ത് തന്നെ പുതിയ ചര്‍ച്ചകള്‍ക്ക് വഴിമരുന്നിട്ടിരിക്കുകയാണ്. ഓരോ ആഴ്ചയിലും പുതുതായി റിലീസ് ചെയ്യുന്ന സിനിമകളുടെ അവലോകനങ്ങളെപ്പറ്റിയുള്ള തന്റെ കാഴ്ച്ചപ്പാടിനെക്കുറിച്ചായിരുന്നു അന്ന് നടന്‍ സംസാരിച്ചത്.
തന്റെ സിനിമയെക്കുറിച്ച് എല്ലാവര്‍ക്കും അവരുടേതായ അഭിപ്രായങ്ങള്‍ പ്രകടിപ്പിക്കാമെന്നും എല്ലാവരുടെയും അഭിപ്രായ സ്വാതന്ത്ര്യത്തെ താന്‍ മാനിക്കുന്നുവെന്നും നിരൂപണങ്ങള്‍ നല്‍കുന്നത് സിനിമാ വെബ്സൈറ്റുകളുടെ ബിസിനസിന്റെ ഭാഗമാണെന്നുമായിരുന്നു നാഗചൈതന്യയുടെ അഭിപ്രായം.
എന്നാല്‍ പ്രതിഫലം കൈപ്പറ്റി അഭിനയിച്ച സിനിമയ്‌ക്കെതിരെ മോശം റിവ്യുകള്‍ വരുന്നത് നാഗചൈതന്യ ഉള്‍പ്പെടെയുള്ള താരങ്ങള്‍ എത്ര നിസ്സാരമായാണ് കണക്കാക്കുന്നതെന്ന തരത്തിലാണ് ചര്‍ച്ചകള്‍ ഉയര്‍ന്നുവരുന്നത്. നായകന്മാരുടെയും സംവിധായകരുടെയും ഇത്തരത്തിലുള്ള പ്രോത്സാഹനം സിനിമകളുടെ ഫലങ്ങളെ ബാധിക്കുന്നു, മാത്രമല്ല അവര്‍ അവരുടെ വാക്കുകള്‍ ഉപയോഗിച്ച് ഈ സിനിമകള്‍ വാങ്ങുന്നവരെ പരോക്ഷമായി വധിക്കുകയാണെന്നുമുള്ള വിലയിരുത്തലുകളും സിനിമാരംഗത്ത് നിന്ന് ഉണ്ടായിരിക്കുകയാണ്.
വെബ്സൈറ്റുകളിലെ നെഗറ്റീവ് റിവ്യൂകളുടെ ആഘാതം ഇപ്പോഴെങ്കിലും സംവിധായകരും നായകന്മാരും ഇപ്പോള്‍ തിരിച്ചറിയണമെന്നും അവരെ പ്രോത്സാഹിപ്പിക്കരുതെന്നും ആരാധകരും സിനിമാപ്രേമികളും അഭിപ്രായപ്പെടുന്നുണ്ട്. എന്നിരുന്നാലും, ഇതിന് ഒരു മറുവാദവും ഉയര്‍ന്നുവന്നിട്ടുണ്ട് ഫലങ്ങള്‍ക്കായി വെബ്സൈറ്റ് അവലോകനങ്ങളെ കുറ്റപ്പെടുത്തുന്നത് ഉചിതമല്ല, കാരണം ഒരു സിനിമയുടെ ഉള്ളടക്കം മികച്ചതാണെങ്കില്‍, ഒരു റിവ്യൂവിനോ നെഗറ്റീവ് പബ്ലിസിറ്റിക്കോ അതിന്റെ ഫലത്തെ സ്വാധീനിക്കാന്‍ സാധിക്കില്ലെന്നാണ് ഇവര്‍ പറയുന്നത്.