നടന്‍ ഹരിശ്രീ അശോകന്‍ മീന്‍ ചുമക്കുന്ന വീഡിയോയാണ് സോഷ്യല്‍ മീഡിയയില്‍ വൈറല്‍. മീന്‍ പെട്ടി ചുമന്ന് കച്ചവടക്കാര്‍ക്ക് കൊടുക്കുന്നതും കൂലി വാങ്ങുന്നതുമാണ് വീഡിയോയിലുള്ളത്. ഹരിശ്രീ അശോകന്‍ നായകനാകുന്ന പുതിയ ചിത്രത്തിന്റെ ഷൂട്ടിംഗ് ആണിത്.
ശിവകുമാര്‍ കാങ്കോല്‍ കഥയും തിരക്കഥയും ഒരുക്കുന്ന അന്ത്രുമാന്‍ എന്ന സിനിമയുടെ ചിത്രീകരണമാണ് നടന്നത് എന്നാണ് സൂചനകള്‍. മീന്‍ചന്തയിലെ തൊഴിലാളിയുടെ കഥാപാത്രത്തെയാണ് ഹരിശ്രീ അശോകന്‍ അവതരിപ്പിക്കുന്നത്.
അതേസമയം, ബേസില്‍ ജോസഫ് സംവിധാനം ചെയ്ത മിന്നല്‍ മുരളി, നാദിര്‍ഷ-ദിലീപ് കൂട്ടുകെട്ടില്‍ എത്തിയ കേശു ഈ വീടിന്റെ നാഥന്‍ എന്നിവയാണ് ഹരിശ്രീ അശോകന്റെതായി അടുത്തിടെ റിലീസ് ചെയ്ത ചിത്രങ്ങള്‍. മിന്നല്‍ മുരളിയിലെ ദാസന്‍ എന്ന കഥാപാത്രം ശ്രദ്ധിക്കപ്പെട്ടിരുന്നു.
ഷാന്‍ സംവിധാനം ചെയ്യുന്ന അനുരാധ ക്രൈം നമ്പര്‍ 59/2019, ഷെയ്ന്‍ നായകനാകുന്ന കുര്‍ബാനി എന്ന സിനിമയില്‍ ഷെയിന്റെ അച്ഛന്‍ റോളാണ്. ഷറഫുദ്ദീന്‍-മംമ്ത മോഹന്‍ദാസ് ഒന്നിക്കുന്ന പ്രിയന്‍ ഓട്ടത്തിലാണ് എന്നീ സിനിമകളാണ് ഹരിശ്രീയുടെതായി അണിയറയില്‍ ഒരുങ്ങുന്നത്.
‘കേശു ഈ വീടിന്റെ നാഥനി’ലുണ്ട്. ‘പ്രിയന്‍ ഓട്ടത്തിലാണ്’ എന്ന സിനിമയില്‍ ചെറിയൊരു വേഷമുണ്ട്. പിന്നെ നാലഞ്ച് സിനിമകള്‍ കൂടി കമ്മിറ്റായിട്ടുണ്ട്. രണ്ട് സിനിമകളില്‍ നായകനാണ്. സംവിധാനം ചെയ്യാനുള്ള സിനിമയുടെ തിരക്കഥയെഴുത്ത് നടക്കുകയാണ്.