മലയാളി പ്രേക്ഷകരുടെ പ്രിയ താരം നിവിന് പോളി ഇന്ന് മുപ്പത്തിയാറാം പിറന്നാള്‍ ആഘോഷിക്കുകയാണ്. ചുരുങ്ങിയ കാലം കൊണ്ടു തന്നെ മലയാള സിനിമയില്‍ തന്റേതായ വ്യക്തിമുദ്ര പതിപ്പിച്ച താരത്തിന് സോഷ്യല്‍ മീഡിയയില്‍ ആശംസാപ്രവാഹമാണ്. അജു വര്‍ഗീസ്, വിനീത് ശ്രീനിവാസന്‍, പൂര്‍ണ്ണിമ ഇന്ദ്രജിത്ത്, മഞ്ജു വാര്യര്‍, സണ്ണി വെയ്ന്‍ തുടങ്ങിയ താരങ്ങളെല്ലാം നിവിന് ആശംസകളുമായി എത്തിയിട്ടുണ്ട്.
പ്രേക്ഷകരുടെ മനസ്സറിഞ്ഞ് സിനിമകള്‍ തിരഞ്ഞെടുക്കുന്നതിലെ പ്രത്യേകത നിവിനെ മറ്റ് താരങ്ങളില്‍ നിന്നും വ്യത്യസ്തനാക്കുന്നു. അതിനാല്‍ തന്നെ നിവിന് അഭിനയിച്ച മിക്ക സിനിമകളും ബോക്‌സോഫീസില്‍ മികച്ച വിജയം നേടിയവയാണ്. സോഫ്റ്റ്‌വെയര്‍ എന്‍ജിനീയര്‍ ജോലി ഉപേക്ഷിച്ചാണ് നിവിന് സിനിമയിലെത്തിയത്.
https://www.facebook.com/AjuVargheseOfficial/posts/3429161510504894
മലര്‍വാടി ആര്‍ട്‌സ് ക്ലബ് ആണ് നിവിന്റെ ആദ്യ സിനിമ. എന്നാല്‍ ചിത്രത്തിന്റെ ആദ്യ ഓഡീഷനില്‍ നിന്നും നിവിന് പുറത്തായിരുന്നു. ഓഡീഷന് അപേക്ഷിച്ചെങ്കിലും കാസ്റ്റിംഗ് ഡയറക്ടേഴ്‌സ് നടനെ നിരസിച്ചു. ഷോര്‍ട്ട് ലിസ്റ്റ് ചെയ്ത പുതുമുഖങ്ങളില്‍ താരം ഉണ്ടായിരുന്നില്ല. ഒരു നടന്‍ സിനിമയില്‍ നിന്നും പിന്‍മാറിയതോടെയാണ് നിവിനെ തിരഞ്ഞെടുത്തത്.
https://www.facebook.com/PoornimaOfficial/posts/1787885394692272
നിവിന്റെ കരിയറിലെ തന്നെ ഏറ്റവും വലിയ ഹിറ്റായിരുന്നു പ്രേമം. മലയാള സിനിമയില്‍ നിവിന് സ്റ്റാര്‍ഡം സ്ഥാപിച്ചത് ജോര്‍ജ് എന്ന കഥാപാത്രത്തിലൂടെയാണ്. ദുല്‍ഖര്‍ സല്‍മാനെയാണ് നായകനായി ആദ്യം തീരുമാനിച്ചത്. പിന്നീടാണ് നിവിന് പോളി ചിത്രത്തിലേക്ക് എത്തുന്നത്.
https://www.facebook.com/theManjuWarrier/posts/1438841266323530
സൂപ്പര്‍ സ്റ്റാര്‍ വിക്രം നിവിന് പോളിയുടെ ആരാധകനാണ്. നിവിനെ പ്രശംസിക്കാനുള്ള അവസരം ഒരിക്കലും വിക്രം നഷ്ടപ്പെടുത്താറില്ല. പ്രേമം കണ്ട് അമ്പരന്നു എന്നും പറഞ്ഞിരുന്നു. നിവിന് അവാര്‍ഡ് നല്‍കുമ്പോള്‍ “”മലരേ”” എന്ന ഗാനം വിക്രം മൂളിയിരുന്നു.
https://www.facebook.com/SunnyWayn/posts/210357880447485
2010ല്‍ ആണ് റിന്നയുമായുള്ള നിവിന്റെ വിവാഹം. കോളേജ് മുതലുള്ള പ്രണയമാണ് പൂവണിഞ്ഞത്. ഇരുവരും ഒരു ഐടി കമ്പനിയില്‍ പ്രവര്‍ത്തിച്ചു കൊണ്ടിരിക്കുമ്പോഴാണ് നിവിന് ജോലി ഉപേക്ഷിച്ച് സിനിമക്ക് പിന്നാലെ പോയത്. നിവിനും റിന്നയ്ക്കും രണ്ടു കുട്ടികളുണ്ട്.
https://www.facebook.com/DQSalmaan/posts/2845481318887661