കടകൻ, പ്രണയവിലാസം, ഫ്രീഡം അറ്റ് മിഡ്നൈറ്റ് എന്നീ സിനിമകളിലൂടെ ശ്രദ്ധേയനായ ഹക്കീം ഷാജഹാനും സന അൽത്താഫും വിവാഹിയതരായി. ഒടിയൻ, റാണി പത്മിനി തുടങ്ങീ ചിത്രങ്ങളിലൂടെ ശ്രദ്ധേയയാണ് സന അൽത്താഫ്.
ഇൻസ്റ്റഗ്രാമിലാണ് ‘ജസ്റ്റ് മാരീഡ്’ എന്ന ക്യാപ്ഷനോടെ സബ് രജിസ്ട്രാർ ഓഫീസിൽ നിന്നുള്ള ചിത്രങ്ങൾ ഇരുവരും പങ്കുവെച്ചത്. എന്നാൽ ഇത് പുതിയ ചിത്രത്തിന്റെ പ്രൊമോഷനാണോ എന്നാണ് നിരവധി ആരാധകർ ചോദിക്കുന്നത്. എന്നാൽ അനുപമ പരമേശ്വരൻ, അഹാന കൃഷ്ണ തുടങ്ങീ നിരവധി താരങ്ങൾ ഹക്കീമിനും സനയ്ക്കും ആശംസകൾ നേർന്നിട്ടുണ്ട്.
ലാൽ ജോസ് സംവിധാനം ചെയ്ത ദുൽഖർ സൽമാൻ ചിത്രം വിക്രമാദിത്യനിലൂടെയാണ് സന അൽത്താഫ് മലയാളത്തിൽ അരങ്ങേറ്റം കുറിക്കുന്നത്. പിന്നീട് ഫഹദ് ഫാസിലിനൊപ്പം മറിയം മുക്ക് എന്ന ചിത്രത്തിൽ നായികയായെത്തി. റാണി പത്മിനി, ബഷീറിന്റെ പ്രേമലേഖനം, ഒടിയൻ തുടങ്ങിയ ചിത്രങ്ങളിലും സന ശ്രദ്ധേയമായ പ്രകടനമായിരുന്നു.