ഏറെ പ്രേക്ഷക പ്രശംസ നേടിയ തമിഴ് ചിത്രമായിരുന്നു വിജയ് സേതുപതി തൃഷ എന്നിവര് പ്രധാന വേഷങ്ങളിലെത്തിയ 96. ചിത്രം പോലെ തന്നെ ഇതിലെ ഗാനങ്ങളും ഏറെ പ്രശംസ നേടി. എന്നാല് ഇപ്പോള് ചിത്രത്തില് തന്റെ ഗാനം ഉപയോഗിച്ചതിനെ വിമര്ശിച്ച് രംഗത്തു വന്നിരിക്കുകയാണ് പ്രശസ്ത സംഗീത സംവിധായകന് ഇളയരാജ. പഴയ കാലത്തെ പാട്ടുകളുടെ നിലവാരത്തിലുള്ള നല്ല ഗാനങ്ങള് ഉണ്ടാക്കാന് അവര്ക്ക് കഴിവില്ലാത്തതിനാലാണ് തന്റെ ഗാനം അതില് ഉള്പ്പെടുത്തിയെതെന്ന് ഇളയരാജ പറയുന്നത്.
ഇതിലിപ്പോള് വ്യത്യസ്ത പ്രതികരണവുമായി രംഗത്ത് വന്നിരിക്കുകയാണ് സംഗീത സംവിധായകന് ഗോവിന്ദ് വസന്ത. ഇളയരാജയുടെ കൂടെ ഒരു ഫോട്ടോ ഇടുമ്പോള് എന്നോട് ചോദിച്ചാല് കിടിലന് പടം ഞാന് കൊടുക്കൂലേ എന്നായിരുന്നു ഗോവിന്ദിന്റെ വ്യത്യസ്തമായ പ്രതികരണം. പഴയ വണ്ണമുള്ള ഫോട്ടോ വാര്ത്തയ്ക്കൊപ്പം കൊടുത്തതില് സങ്കടപ്പെട്ടുകൊണ്ടാണ് ഗോവിന്ദിന്റെ ഫെയ്സ്ബുക്ക് പോസ്റ്റ്. “കഷ്ടപ്പെട്ട് ദിവസവും ജിമ്മില് പോയി മസിലും ഉണ്ടാക്കി നില്ക്കുമ്പോള് പഴയ ഊതികെട്ടിയ ഫോട്ടോ. ഇളയരാജയുടെ കൂടെയൊക്കെ ഒരു ഫോട്ടോ ഇടുമ്പോ എന്നോടു ചോദിച്ചാല് ഞാന് കൊടുക്കൂലെ ഷര്ട്ടിടാത്ത നല്ല ക്ലീന് സാധനം. ഇത് പഴയതു തന്നെ വീണ്ടും വീണ്ടും. പത്രക്കാരോട് എന്റെ സങ്കടം രേഖപ്പെടുത്തുന്നു.” ഗോവിന്ദ് ഫെയ്സ്ബുക്കില് കുറിച്ചു.
ദളപതി എന്ന ചിത്രത്തിലെ യമുനയാറ്റിലെ എന്ന ഗാനം “96” ല് ഉപയോഗിച്ചിരുന്നു. ഇതിനെയാണ് ഇളയരാജ ഒരു അഭിമുഖത്തില് വിമര്ശിച്ചത്. “ഇത് തീര്ത്തും തെറ്റായ കീഴ്വഴക്കമാണ്. ഈ സിനിമയില് ഒരു പ്രത്യേക കാലഘട്ടം ചിത്രീകരിക്കാന് അക്കാലത്തെ പാട്ടുകള് ഉപയോഗിക്കേണ്ട ആവശ്യമില്ലല്ലോ. അന്നത്തെ പാട്ടുകളുടെ നിലവാരത്തിലുള്ള നല്ല പാട്ടുകളുണ്ടാക്കാനുള്ള കഴിവ് അവര്ക്കില്ലാത്തത് കൊണ്ടാണ് ഇതെല്ലാം സംഭവിക്കുന്നത്.”
“അവരുടെ ബലഹീനതയാണ് ഇത് കാണിക്കുന്നത്. കമ്പോസ് ചെയ്യുന്നയാളുടെ ആണത്തം ഇല്ലായ്മയാണത്. അവര്ക്ക് ഒരു കാലം ചിത്രീകരിക്കണമെങ്കില് ആ കാലത്തിന് അനുയോജ്യമായ ഗാനം അവര് ഉണ്ടാക്കണം.” എന്നാണ് സിനിമ എക്സ്പ്രസുമായുള്ള അഭിമുഖത്തില് ഇളയരാജ പറഞ്ഞത്. എന്നാല് റോയല്റ്റി നല്കിയ നിയമപരമായ നടപടിക്രമങ്ങള് പൂര്ത്തിയാക്കിയാണ് ഇളരാജയുടെ പാട്ടുകള് സിനിമയില് ഉപയോഗിച്ചതെന്നാണ് സംവിധായകന് സി. പ്രേം കുമാര് പറയുന്നത്.