വിജയ് സേതുപതിയുടെയും ഗോവിന്ദ് വസന്തയുടെയും കൂടിക്കാഴ്ച ആഘോഷമാക്കി സോഷ്യല് മീഡിയ. ഗോവിന്ദ് വസന്തയുടെ കവിളില് കടിക്കുന്ന സേതുപതിയുടെ ചിത്രങ്ങളാണ് സോഷ്യല് മീഡിയയില് ട്രെന്ഡിംഗ് ആയിരിക്കുന്നത്. ഗോവിന്ദ് വസന്തയാണ് ചിത്രങ്ങള് ഫെയ്സ്ബുക്കില് പോസ്റ്റ് ചെയ്തിരിക്കുന്നത്.
വിജയ് സേതുപതി നായകനായ “96”ലെ ഹിറ്റ് ഗാനങ്ങള് ഒരുക്കിയത് ഗോവിന്ദ് വസന്തയാണ്. വിജയ് സേതുപതിയും തൃഷയും മുഖ്യ കഥാപാത്രങ്ങളെ അവതരിപ്പിച്ച ചിത്രം ഏറെ ആസ്വാദരുടെയും നിരൂപരുടെയും പ്രശംസ പിടിച്ചുപറ്റിയിരുന്നു. ചിത്രത്തിലെ ഗാനങ്ങളെല്ലാം ഏറെ ശ്രദ്ധ നേടിയിരുന്നു.
വിജയ് നായകനാകുന്ന ലോകേഷ് കനകരാജ് ചിത്രം “മാസ്റ്ററി”ന്റെ തിരക്കിലാണ് വിജയ് സേതുപതി ഇപ്പോള്. “ലാല് സിംഗ് ഛദ്ദ” അടക്കമുള്ള വമ്പന് ചിത്രങ്ങളിലാണ് താരം അഭിനയിക്കാനൊരുങ്ങുന്നത്.