മലയാളത്തിന്റെ ജനപ്രിയ താരം ദിലീപും തമിഴകത്തിന്റെ ആക്ഷന് ഹീറോ അര്ജുനും ഒന്നിക്കുന്ന ചിത്രമാണ് ജാക്ക് ഡാനിയല്. എസ്.എല് പുരം ജയസൂര്യ സംവിധാനം ചെയ്യുന്ന ചിത്രത്തിന്റെ ഗ്ലിംപ്സ് വീഡിയോ റിലീസ് ചെയ്തു. വീഡിയോയില് ദിലീപിന്റെയും അര്ജ്ജുന്റെയും കഥാപാത്രങ്ങളെ പരിചയപ്പെടുത്തുന്നുണ്ട്. “എ മാന് വിത്ത് എ വിഷന്” എന്നാണ് ദിലീപിന്റെ കഥാപാത്രത്തെ പരിചയപ്പെടുത്തുന്നത്. അര്ജ്ജുന്റെ കഥാപാത്രത്തെ “എ മാന് വിത്ത് എ മിഷന്” എന്നുമാണ് കാണിക്കുന്നത്.
2007ല് റിലീസിനെത്തിയ സ്പീഡ് ട്രാക്കിനു ശേഷം ദിലീപും ജയസൂര്യയും ഒന്നിക്കുന്ന ചിത്രമാണ് ഇത്. ഞാന് പ്രകാശനില് നായികയായി എത്തിയ അഞ്ജു കുര്യന് ദിലീപിന്റെ ജോടിയാകുന്നു. തമീന്സ് ഫിലിംസിന്റെ ബാനറില് ഷിബു തമീന്സ് ആണ് നിര്മാണം. ചിത്രത്തിന്റെ ടീസര് ഈ മാസം 27 ന് റിലീസ് ചെയ്യും.
ആക്ഷന് പ്രാധാന്യമുള്ള സിനിമയില് പീറ്റര് ഹെയ്ന്, കനല് കണ്ണന്, സുപ്രീം സുന്ദര് എന്നിവര് ചേര്ന്നാണ് സ്റ്റണ്ട് കൊറിയോഗ്രഫി നിര്വ്വഹിച്ചിരിക്കുന്നത്. ഛായാഗ്രഹണം ശിവകുമാര് വിജയന്. സംഗീതം ഗോപി സുന്ദര്.