ഫ്രൈഡേ ഫിലിം ഹൗസിന്റെ ബാനറില് പുതിയ ചിത്രവുമായി വിജയ് ബാബു. സൂഫിയും സുജാതയും എന്നു പേരിട്ടിരിക്കുന്ന ചിത്രം മ്യൂസിക്കല് ലൗ സ്റ്റോറിയായാണ് ഒരുങ്ങുന്നത്. നരണിപ്പുഴ ഷാനവാസ് തിരക്കഥ രചിച്ച് സംവിധാനം ചെയ്യുന്ന ചിത്രത്തില് പ്രജാപതി എന്ന ചിത്രത്തിലൂടെ സിനിമ അഭിനയത്തില് അരങ്ങേറ്റം കുറിച്ച ബോളിവുഡ് നടി അദിതി റാവു ഹൈദരി ആണ് നായികയായി എത്തുന്നത്.
സിദ്ദിഖ്, ഹരീഷ് കണാരന്, വിജയ് ബാബു, മണികണ്ഠന് പട്ടാമ്പി, മാമുക്കോയ, കലാരഞ്ജനി, ബാലന് പാറയ്ക്കല്, നവാസ് വള്ളിക്കുന്ന് തുടങ്ങി വന്താരനിരയാണ് ചിത്രത്തിലുള്ളത്. ഹരി നാരായണന്റെ വരികള്ക്ക് എം.ജയചന്ദ്രന് ആണ് ഈണം പകരുന്നു. അനുമൂത്തേടത്താണ് ഛായാഗ്രഹണം.
സെപ്റ്റംബര് 20 മുതല് മൈസൂറില് ചിത്രത്തിന്റെ ഷൂട്ടിംഗ് ആരംഭിക്കും. രതീഷ് വേഗ സംവിധാനം ചെയ്യുന്ന തൃശൂര് പൂരം എന്ന ചിത്രത്തിന് ശേഷം വിജയ് ബാബു നിര്മ്മിക്കുന്ന ചിത്രവുമാണ് സൂഫിയും സുജാതയും