എ.ആര് മുരുഗദോസ് ഒരുക്കുന്ന രജനികാന്ത് ചിത്രം “ദര്ബാര്” ജനുവരി 9ന് തിയേറ്ററുകളിലെത്തുകയാണ്. ചിത്രത്തിന്റെ റിലീസിനോട് അനുബന്ധിച്ച് ജീവനക്കാര്ക്ക് സൗജന്യ ടിക്കറ്റും അവധിയും കൊടുത്തിരിക്കുകയാണ് ചെന്നൈയിലെ ഒരു ഐടി സ്ഥാപനം.
നേരത്തെ “കബാലി”, “പേട്ട”, “കാല” എന്നീ ചിത്രങ്ങള് റിലീസായപ്പോഴും ചെന്നൈയിലെ സ്ഥാപനങ്ങള് ജീവനക്കാര്ക്ക് അവധി നല്കിയിരുന്നു. ആദിത്യ അരുണാചലം എന്ന പൊലീസ് ഓഫീസറായാണ് ദര്ബാറില് രജനി വേഷമിടുന്നത്.
നയന്താരയാണ് നായികയായെത്തുന്നത്. സുനില് ഷെട്ടി, പ്രതിക് ബബ്ബാര്, യോഗി ബാബു, ജീവ, പ്രകാശ് രാജ്, നിവേത തോമസ് എന്നിവരാണ് മറ്റ് പ്രധാന താരങ്ങള്. എസ് ക്യൂബ് ഫിലിംസും ഗൃഹലക്ഷ്മി പ്രൊഡക്ഷന്സും ചേര്ന്നാണ് ചിത്രം കേരളത്തില് വിതരണത്തിനെത്തിക്കുന്നത്.