ഷെയ്ന് നിഗം നായകനാകുന്ന വെയിലിന്രെ ഫസ്റ്റ് ലുക്ക് പോസ്റ്റര് റിലീസ് ചെയ്തു. നടന്ഫഹദ് ഫാസിലാണ് തന്റെ ഫെയ്സ്ബുക്ക് പേജിലൂടെ പോസ്റ്റര് റിലീസ് ചെയ്തത്. പാതിവഴിയില് മുടങ്ങിയ ചിത്രത്തിന്റെ ഷൂട്ടിംഗ് അടുത്ത ദിവസമാണ് പുനഃരാരംഭിച്ചത്. ഇതിനു പിന്നാലെയാണ് അണിയറ പ്രവര്ത്തകര് ഫസ്റ്റ് ലുക്ക് റിലീസ് ചെയ്തത്.
അങ്കമാലി ഡയറീസ്, ഈ.മ.യൗ എന്നീ ചിത്രങ്ങളില് ലിജോ ജോസ് പെല്ലിശ്ശേരിയുടെ സംവിധാന സഹായിയായിരുന്ന ശരത് ആദ്യമായി സംവിധാനം ചെയ്യുന്ന ചിത്രമാണിത്. ഇരിഞ്ഞാലക്കുടയുടെ പശ്ചാത്തലത്തില് കഥ പറയുന്ന ചിത്രത്തില് ഷെയ്നിന് പുറമേ സുരാജ് വെഞ്ഞാറമ്മൂടും ഷൈന് ടോം ചാക്കോയും പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തില് ഒരുപിടി പുതുമുഖ താരങ്ങളും അണിനിരക്കുന്നുണ്ട്.
കബാലിയിലെ മായാനദി, കാലയിലെ കണ്ണമ്മാ എന്നീ ഹിറ്റ് പാട്ടുകള് പാടിയ പ്രതീപ് കുമാര് മലയാളത്തില് ആദ്യമായ് സംഗീത സംവിധാനം ചെയ്യുന്ന ചിത്രമെന്ന പ്രത്യേകതയും വെയിലിനുണ്ട്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജാണ് ചിത്രം നിര്മ്മിക്കുന്നത്. മെയ് മാസം ചിത്രം തിയേറ്ററുകളിലെത്തും.