കന്നഡ ബാഹുബലി എന്നറിയപ്പെട്ട കെ ജി എഫിന്റെ രണ്ടാം ഭാഗത്തിനായി കാത്തിരിക്കുകയാണ് ഇന്ത്യന് സിനിമാ പ്രേമികള്. ഇപ്പോഴിതാ ചിത്രത്തിന്റെ ഫസ്റ്റലുക്ക് പോസ്റ്റര് പുറത്തുവിട്ടിരിക്കുകയാണ് അണിയറ പ്രവര്ത്തകര്. നടന് യഷിനെ പോസ്റ്ററില് കാണാം. രണ്ടാം ഭാഗത്തില് അധീര എന്ന വില്ലനായെത്തുന്നത് സഞ്ജയ് ദത്താണ്. യാഷിനൊപ്പം സഞ്ജയ് ദത്ത്കൂടി എത്തുന്നതോടെ ആരാധകര് ഏറെ ആകാംക്ഷയിലും പ്രതീക്ഷയിലുമാണ്. മലയാളം ഉള്പ്പടെ ആറ് ഭാഷകളിലാകും ചിത്രം റിലീസിനെത്തുക.
കെജിഎഫിന്റെ രണ്ടാം ഭാഗം വലുതും മികച്ചതുമായിരിക്കുമെന്നാണ് യാഷ് പറയുന്നത്. ജനങ്ങളുടെ പിന്തുണ തങ്ങള്ക്ക് കരുത്തു പകരുന്നു എന്നും കെജിഎഫ് രണ്ടാം ഭാഗം ഇറങ്ങുമ്പോള് ആദ്യ ഭാഗം ഒന്നുമായിരുന്നില്ലെന്ന് നിങ്ങള്ക്ക് തോന്നുമെന്നും യാഷ് പറയുന്നു. 225 കോടിയാണ് ഒന്നാം ഭാഗം നേടിയത്.
പ്രശാന്ത് നീല് സംവിധാനം ചെയ്യുന്ന ഈ ചിത്രം രചിച്ചിരിക്കുന്നത് പ്രശാന്ത് നീല്, ചന്ദ്രമൗലി എം, വിനയ് ശിവാംഗി എന്നിവര് ചേര്ന്നാണ്. കോളാറിലെ സ്വര്ണ ഖനിയുടെ പശ്ചാത്തലത്തിലാണ് ചിത്രം കഥ പറഞ്ഞത്. ഷൂട്ടിംഗ് പുരോഗമിക്കുന്ന രണ്ടാം ഭാഗം അടുത്ത വര്ഷമായിരിക്കും റിലീസ് ചെയ്യുക.