രജിഷ വിജയന് കേന്ദ്ര കഥാപാത്രമായെത്തിയ ചിത്രം ഫൈനല്സ് തിയേറ്ററുകളില് മികച്ച പ്രതികരണം നേടി രണ്ടാം വാരവും പ്രദര്ശനം തുടരുകയാണ്. കേരളത്തില് വിജയക്കൊടി പാറിച്ച് മുന്നേറുന്ന ചിത്രം ഗള്ഫ് നാടുകളിലും പ്രദര്ശനത്തിനെത്തുകയാണ്. വ്യാഴാഴ്ച്ചയാണ് ചിത്രത്തിന്റെ ജിസിസി റിലീസ്.
ഒരു സംപൂര്ണ സ്പോര്ട്സ് ചിത്രമായാണ് ഫൈനല്സ് ഒരുങ്ങിയിരിക്കുന്നത്. ഒളിംപിക്സിനായി തയ്യാറെടുക്കുന്ന സൈക്ലിസ്റ്റായാണ് ചിത്രത്തില് രജിഷ വിജയന് എത്തുന്നത്. സുരാജ് വെഞ്ഞാറമൂടാണ് രജീഷയുടെ അച്ഛനായി അഭിനയിക്കുന്നത്. നിരഞ്ജ്, ധ്രുവന്, ടിനി ടോം, കുഞ്ചന്, മാല പാര്വ്വതി, മുത്തുമണി എന്നിവര്ക്കൊപ്പം ചില കായിക താരങ്ങളും സിനിമയില് അണിനിരക്കുന്നു.
നവാഗതനായ പിആര് അരുണ് സംവിധാനം ചെയ്യുന്ന ചിത്രം മണിയന് പിളള രാജുവും പ്രജീവും ചേര്ന്നാണ് നിര്മ്മിക്കുന്നത്. സുധീപ് ഇളമണ് ആണ് ഛായാഗ്രഹണം. “ജീവാംശമായ്…” എന്ന ഗാനത്തിലൂടെ പ്രേക്ഷകരുടെ ഹൃദയത്തില് ഇടം നേടിയ കൈലാസ് മേനോനാണ് ചിത്രത്തിന്റെ സംഗീത സംവിധായകന്.