സിനിമ നിര്മ്മാതാവും പാചകവിദഗ്ധനുമായ നൗഷാദ് അതീവ ഗുരുതരാവസ്ഥയില്. തിരുവല്ലയിലെ സ്വകാര്യ ആശുപത്രിയില് വെന്റിലേറ്ററിലാണ് നൗഷാദെന്നും ഏവരും അദ്ദേഹത്തിനു വേണ്ടി പ്രാര്ത്ഥിക്കണമെന്നും നിര്മ്മാതാവ് നൗഷാദ് ആലത്തൂര് അറിയിച്ചു.
‘എന്റെ പ്രിയ സുഹൃത്ത് നൗഷാദിന്റെ ആരോഗ്യനില ഗുരുതരമാണ്. ഇപ്പോള് തിരുവല്ല ഹോസ്പിറ്റലില് വെന്റിലേറ്ററിലാണ്. അദ്ദേഹത്തിനു വേണ്ടി നമുക്കെല്ലാവര്ക്കും പ്രാര്ത്ഥിക്കാം.രണ്ടാഴ്ച മുമ്പാണ് അദ്ദേഹത്തിന്റെ ഭാര്യ നമ്മളെല്ലാം വിട്ടുപിരിഞ്ഞു പോയത്. ഒരു മകള് മാത്രമാണ് ഇവര്ക്കുള്ളത്.’-നൗഷാദ് ആലത്തൂര് പറഞ്ഞു.
കാഴ്ച, ചട്ടമ്പിനാട്, ബെസ്റ്റ് ആക്ടര്, ലയണ്, പയ്യന്സ്, സ്പാനിഷ് മസാല തുടങ്ങിയ ചിത്രങ്ങളുടെ നിര്മ്മാതാവാണ് നൗഷാദ്. പാചകരംഗത്ത് വൈദഗ്ധ്യം തെളിയിച്ച നൗഷാദിന് തിരുവല്ലയില് ഹോട്ടലും കാറ്ററിംഗ് സര്വീസും ഉണ്ട്