മലയാളത്തിന്റെ പ്രിയനടന് മമ്മൂട്ടിയെ പിറന്നാള് ആശംസകള് കൊണ്ട് മൂടുകയാണ് ആരാധകരും സിനിമാ ലോകവും. അര്ധരാത്രി മമ്മൂട്ടിക്ക് ആശംസകള് നേരാന് നൂറുകണക്കിന് ആരാധകര് കൊച്ചിയിലെ അദ്ദേഹത്തിന്റെ വീട്ടിന് മുമ്പില് തടിച്ച് കൂടിയിരുന്നു. സംവിധായകന് രമേശ് പിഷാരടിയും മമ്മൂട്ടിയുടെ വസതിയില് ഉണ്ടായിരുന്നു. പിഷാരടി ഫെയ്സ്ബുക്ക് ലൈവിലെത്തി വിശേഷങ്ങള് പങ്കുവെച്ചു.
ആരാധകരുടെ അടുത്തേക്ക് ഇറങ്ങി ചെന്ന് മമ്മൂട്ടി സ്നേഹാശംസകള് സ്വീകരിച്ചു. ഗാനഗന്ധര്വന് എന്ന മമ്മൂട്ടിയുടെ പുതിയ സിനിമയുടെ ട്രെയിലറും അര്ധരാത്രി തന്നെ പുറത്തിറങ്ങി. പഞ്ചവര്ണ്ണ തത്തയ്ക്ക് ശേഷം രമേശ് പിഷാരടി സംവിധാനം ചെയ്യുന്ന ചിത്രമാണ് “ഗാനഗന്ധര്വ്വന്”. ഗാനമേളകളില് പാടുന്ന കലാസദന് ഉല്ലാസ് എന്ന കഥാപാത്രത്തെയാണ് മമ്മുട്ടി ചിത്രത്തില് അവതരിപ്പിക്കുക. രമേശ് പിഷാരടിയും ഹരി പി നായരും ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത്.
മുകേഷ് , ഇന്നസെന്റ്, സിദ്ധിഖ്, സലിം കുമാര്, ധര്മജന് ബോള്ഗാട്ടി, ഹരീഷ് കണാരന്, മനോജ് കെ ജയന്, സുരേഷ് കൃഷ്ണ, മണിയന് പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങി വന്താരനിരയാണ് ചിത്രത്തിലുള്ളത്.