ലോക്ഡൗണിനെ തുടര്ന്ന് നിര്ത്തിവെച്ച സീരിയലുകള് പുനരാരംഭിച്ചിരിക്കുകയാണ്. കുടുംബപ്രേക്ഷകരുടെ പ്രിയ പരമ്പര ഉപ്പും മുളകും സംപ്രേഷണം ആരംഭിച്ചു കഴിഞ്ഞു. എന്നാല് സീരിയലില് പാറുക്കുട്ടിയുടെ അഭാവമാണ് ആരാധകരെ നിരാശരാക്കുന്നത്. പുതിയ ചിലര് കൂടി സീരിയയലില് എത്തുന്നു എന്നാണ് പ്രൊമോയില് കാണിക്കുന്നത്.
ജൂണ് 8-ന് പുരാരംഭിച്ച സീരിയലില് എന്നാല് ബാലുവിനും നീലുവിനുമൊപ്പം മുടിയനും കേശുവും ശിവാനിയും മാത്രമേ പാറമട വീട്ടിലുള്ളു. ലോക്ഡൗണ് ആയതോടെ വീട്ടിലേക്ക് പോയ പാറുക്കുട്ടി ഉടനെ തിരിച്ച് വരുമോ എന്ന കാര്യത്തില് ഉറപ്പില്ല. കൊറോണ പ്രചരിക്കുന്ന സാഹചര്യത്തില് കുട്ടികളും പ്രായമുള്ളവരും പുറത്തിറങ്ങാന് പാടില്ലെന്നതിനാല് പാറുക്കുട്ടി ഉടനെ വരുമെന്ന കാര്യം വ്യക്തമല്ല.
അതേ സമയം പാറുക്കുട്ടി എപ്പോള് തിരികെ വരുമെന്ന ചോദ്യവുമായി എത്തുകയാണ് ആരാധകര്. പാറുവിനെ ലൊക്കേഷനിലും മറ്റും എത്തിക്കാനുള്ള ബുദ്ധിമുട്ട് കൊണ്ട് കുടുംബം എറണാകുളത്തേക്ക് താമസം മാറ്റാനുള്ള ആലോചനയിലാണ് എന്നാണ് സൂചനകള്.
പാറു വരുന്നതിനൊപ്പം ജൂഹി റുസ്തഗിയെ കൂടി കൊണ്ട് വരണമെന്ന് ചിലര് ആവശ്യപ്പെടുന്നു. അതേസമയം, ജീവിതത്തിലേക്ക് ഒരു കുഞ്ഞനിയന് എത്തിയ സന്തോഷത്തിലാണ് പാറുക്കുട്ടി. അനിയനൊപ്പമുള്ള പാറുക്കുട്ടിയുടെ ചിത്രങ്ങള് സമൂഹ മാധ്യമങ്ങളുടെ ശ്രദ്ധ കവര്ന്നിരുന്നു.