പൃഥ്വിരാജ് സുകുമാരനും സുരാജ് വെഞ്ഞാറമൂടും കേന്ദ്ര കഥാപാത്രങ്ങളെ അവതരിപ്പിച്ച് ക്രിസ്മസ് റിലീസ് ആയി തിയേറ്ററുകളിലെത്തിയ ചിത്രമാണ് ഡ്രൈവിംഗ് ലൈസെന്സ്. പൃഥ്വിരാജ് പ്രൊഡക്ഷന്സ്, മാജിക് ഫ്രെയിംസ് എന്നീ ബാനറുകളില് പൃഥ്വിരാജ് സുകുമാരന്, ലിസ്റ്റിന് സ്റ്റീഫന് എന്നിവര് ചേര്ന്ന് നിര്മ്മിച്ച ഈ ചിത്രം ബ്ലോക്ക്ബസ്റ്റര് വിജയമാണ് നേടിയിരിക്കുന്നത്. 2019 ഡിസംബര് റിലീസ് ആയി എത്തിയ മലയാളം ചിത്രങ്ങളില് ബ്ലോക്ക്ബസ്റ്റര് വിജയം നേടിയ ഏക ചിത്രം കൂടിയായി ഡ്രൈവിംഗ് ലൈസന്സ് മാറിയിരിക്കുകയാണ്. ട്രേഡ് അനലിസ്റ്റുകള് പുറത്തു വിട്ട ഈ ചിത്രത്തിന്റെ ഇരുപതു ദിവസത്തെ വേള്ഡ് വൈഡ് കളക്ഷന് റിപ്പോര്ട്ട് പ്രകാരം കേരളത്തില് 19 കോടി നാല്പ്പതു ലക്ഷം രൂപ കളക്ഷന് നേടിയ ഈ ചിത്രം റസ്റ്റ് ഓഫ് ഇന്ത്യ മാര്ക്കറ്റില് നിന്ന് നേടിയെടുത്തത് എണ്പത്തിയഞ്ചു ലക്ഷം രൂപയാണ്.
ഒപ്പം ഓവര്സീസ് മാര്ക്കറ്റില് നിന്ന് ഈ ചിത്രം നേടിയ കളക്ഷന് 6 കോടി നാല്പ്പതു ലക്ഷം രൂപയാണ്. ഇതിന്റെ വേള്ഡ് വൈഡ് ഗ്രോസ് ഇരുപത്തിയേഴു കോടി രൂപയ്ക്കു മുകളില് എത്തിയപ്പോഴേക്കും മുപ്പതു കോടിക്ക് മുകളില് ഈ ചിത്രം കളക്ഷന് നേടും എന്നുറപ്പായി കഴിഞ്ഞു.
ഇതോടെ കഴിഞ്ഞ വര്ഷം ഏറ്റവും കൂടുതല് കേരളാ ഗ്രോസ് കളക്ഷന് നേടിയ മലയാള ചിത്രങ്ങളുടെ പട്ടികയിലും ഡ്രൈവിംഗ് ലൈസെന്സ് ഇടം പിടിച്ചിരിക്കുകയാണ്. ലൂസിഫര്, മധുര രാജ, തണ്ണീര് മത്തന് ദിനങ്ങള്, ലവ് ആക്ഷന് ഡ്രാമ, എന്നിവ കഴിഞ്ഞു അഞ്ചാം സ്ഥാനത്തു ആണ് ഡ്രൈവിംഗ് ലൈസെന്സ് എത്തിയിരിക്കുന്നത്.